Կառավարության կառուցվածքի բարեփոխման նախագծով առաջարկվում է վարչապետի աշխատակազմը 600-ից մինչեւ 750 մարդ դարձնել: Մարտի 11-ին Ազգային ժողովում ավանդական ճեպազրույցի ժամանակ այս մասին ասաց «Լուսավոր Հայաստան» կուսակցության ղեկավար, ԼՀ խորհրդարանական խմբակցության ղեկավար Էդմոն Մարուքյանը:
Ընդ որում, նրա խոսքով, նշվում է, որ հետագայում վարչապետի աշխատակազմը նորից կրճատման կենթարկվի:
«Ինչի համար է դա ընդհանրապես արվում: Ես չեմ հասկանում: Ինքներդ նայեք օրենքի նախագիծը, ես չեմ կարող պատասխանել այդ հարցին: Ամեն դեպքում, մենք այլընտրանքային առաջարկությամբ հանդես կգանք», - նշեց Մարուքյանը:
