News
Լրահոս
News
Ուրբաթ
Հունիս 21
USD
477.53
EUR
539.8
RUB
7.55
ME-USD
0.15
Տեսնել լրահոսը


«Սասնա ծռերի» գործով դատական նիստին այսօր՝ մարտի 13–ին, հարցաքննվեց ՊՊԾ գնդի այն ժամանակվա հրամանատար, գնդապետ Խաչատուր Ավետիսյանը։

Երեւան քաղաքի ընդհանուր իրավասության դատարանում նա պատմեց, որ գնդի վրա հարձակման մասին տեղեկացվել է 2016թ.–ի հուլիսի 17–ին լուսադեմին, որից հետո անմիջապես մեկնել է այնտեղ։

«Երբ մոտեցա գնդին, տեսա, որ ոստիկանական մեքենաներով փակած է, իմացա, որ զինված հարձակում է եղել եւ այդ մարդիկ ներսում են։ Հետո տեսել եմ Մարտիրոսին՝ զինվորական համազգեստով, զենքը ձեռքին, նա մոտենում էր ոստիկաններին եւ հորդորում միանալ իրենց, բայց երբ զրահամեքենան փորձեց մոտենալ, Մարտիրոսը կրակեց մեքենայի վրա, որի հետեւանքով մի քանի հոգի վիրավորվեցին։ Դրանից հետո կրակոցներ եղան նաեւ ներսից, զինված անձինք կային այնտեղ, չեմ կարող ասել բայց ովքեր էին»,– ասաց Խաչատուր Ավետիսյանը։

Նա նշեց, որ ավելի ուշ իմացել է՝ գնդի վրա հարձակվողները Ժիրայր Սեֆիլյանի աջակիցներն են, իսկ հիմնական պահանջը Սեֆիլյանին ազատ արձակելն է եղել։ Ավետիսյանը պատմեց նաեւ, որ հուլիսի 31–ից հետո, երբ «Սասնա ծռերը» դուրս են եկել գնդից, ինքը տեսել է, որ տարածքն ամբողջությամբ ավիրված է, պահարանները բացված, իսկ զինանոցը՝ ամբողջությամբ դատարկ։

Մեղադրող Պետրոս Պետրոսյանի հարցին ի պատասխան՝ ՊՊԾ նախկին հրամանատարը հայտնեց, որ վիրավոր Գագիկ Մկրտչյանին ինքը տեսել է, հարց է տվել, սակայն վերջինս ի վիճակի չի եղել պատասխանել. «Հիվանդանոցում եղած ժամանակ էլ եմ նրան այցելել, բայց անգիտակից է եղել»։

Ինչ վերաբերում է ոստիկան Յուրի Տեփանոսյանի սպանությանը, Խաչատուր Ավետիսյանը հայտնեց, որ կրակոցը եղել է գնդի տանիքից, իսկ կրակողը եղել է Սմբատ Բարսեղյանը։

Պավլիկ Մանուկյանի հարցին՝ դուք ձեզ տուժած համարո՞ւմ եք, գնդապետը պատասխանեց. «Պավլիկ Մանուկյան, զինվորական ճանապարհ եք անցել, վիրավորում եք բարձրաստիճան սպայի ու թողնում եք ներսում մնա, ու դրանից հետո ինձ հարցնում եք... եթե ձեր մերձավորին, հարազատին սպանեին, դուք ո՞նց կվերաբերվեիք։ Որ սպանած լինեին, երեւի թե սա չլիներ...»։

Այնուհետեւ լեզվակռիվ սկսվեց «Սասնա ծռերի» անդամների եւ Խաչատուր Ավետիսյանի միջեւ։

«Անհասկացողը դու ես... թափթփուկ...»,– լսվեց նիստերի դահլիճից։

Դատական նիստն ընթանում է բավականին լարված մթնոլորտում։ Դատավորը կողմերին պարբերաբար հորդորում է չվիրավորել միմյանց։ Խաչատուր Ավետիսյանի հարցաքննությունը շարունակվում է։

Տպել
Կարդացեք նաև
Ամբողջը
«Էդ «Ձեզ»–ը պիտի վաստակեք իմ կողմից». Պավել Մանուկյանը 15 ժամով հեռացվեց նիստերի դահլիճից
Պավել Մանուկյանը բարձր տոնայնությամբ, հանդիմանական տոնով վկային հարցեր է ուղղում՝ այդ կերպ ճնշելով նրան...
Ինձ թվում է Տեփանոսյանի վրա կրակել են ՊՊԾ գնդի տարածքից. ոստիկանը պատմեց ընկերոջ հետ կատարվածը
Ղուկասյանը հուլիսյան իրադարձությունների ժամանակ աշխատել է ոստիկանության հատուկ միջոցների կիրառման վաշտում...
Շարունակվում է «Սասնա ծռերի» 10 անդամների գործով վկաների հարցաքննությունը
7 ամբաստանյալների նկատմամբ ընտրված խափանման միջոց կալանավորումը հեղափոխությունից հետո փոխվել է...
«Ժողովուրդն է խոսում, դրանից ավել ի՞նչ ապացույց». սպանված ոստիկան Յուրի Տեփանոսյանի մայրը եւս մեղադրում է ոստիկաններին
Ամբողջ ժողովուրդն է խոսում, ես որտեղ գնում եմ բոլորն իմանալով, որ ես զոհված ոստիկանի մայրն եմ, ասում են՝ գիտեք որ ձեր տղուն ոչ թե...
ՊՊԾ գնդի մոտ սպանված ոստիկանի հայրը կողմ է, որ որդու դիակի արտաշիրիմում անեն
Հա բա, իհարկե, որ հանկարծ չուզենան բացահայտել, պիտի մարդ բերեմ դրսից՝ Եվրադատարանից, որ գլխին դիպած գյուլլեն ասի...
«Իմ տղու գլուխը իր հրամանատար Գուգոն ա կերել». ՊՊԾ գնդի տարածքի մոտ սպանված ոստիկանի հայրը ցուցմունք տվեց
Մեքենայով գնացինք դեպքի վայր, Պավլիկին, նրա տղոուն, «Սասնա ծռերին» տվել եմ ամենավերջին հայհոյանքները...