Հայաստանի քաղաքացի Կարեն Նիկոլյանը, որը 2008 թվականից խուսափում էր ԱՄՆ արդարադատությունից, ձերբակալվել է Թբիլիսիի օդանավակայանում, որտեղ եկել էր Ստամբուլից։ Այս մասին տեղեկացվում է Արդարադատության դեպարտամենտի կայքում։

Նիկոլյանը փախել էր այն բանից հետո, երբ ընդունել էր Կոլորադոյի օկրուգում կատարած բանկային խարդախության մեղքը։ Տղամարդը ձերբակալվել է Թբիլիսիում՝ ամերիկացի իրավապահների աջակցությամբ։

2007 թվականին Հայաստանի քաղաքացուն ներկայացվել էր խարդախության սխեմային մասնակցության մեղադրանք, որի հետեւանքով գողացվել է 600 հազար դոլար։ 2008 թվականի մարտին 35-ամյա Նիկոլյանն ընդունել է մեղքը եւ գրավի դիմաց ազատ արձակվել՝ մինչեւ դատավճռի կայացումը, բայց փախել է երկրից։ Տղամարդուն հաջողվել է գտնել ԱՄՆ գաղտնի ծառայության եւ ՀԴԲ ջանքերով, որոնք պարզել են, որ նա Ստամբուլ-Թբիլիսի չվերթի տոմս է պատվիրել։

ԱՄՆ արդարադատության նախարարության հայտարարությունում նշվում է, որ ԱՄՆ եւ Վրաստանի իշխանություններն աշխատում են Նիկոլյանին արտահանձնելու ուղղությամբ։