News
Լրահոս
News
Կիրակի
Մարտ 24
Տեսնել լրահոսը

Ռուսաստանից Հայաստան մատակարարվող բնական գազի` Վրաստանի տարածքով տարանցման արժեքի ավելացումը չի կարող ազդեցություն ունենալ ՀՀ առաքվող բնական գազի գնի վրա: Այս մասին NEWS.am-ին հայտնեցին «Գազպրոմ Արմենիա»-ից:

«Գազպրոմ Արմենիայի» կողմից տրամադրված պատասխանում ասվում է. «Գազպրոմ Արմենիա» ՓԲԸ-ն, հանդիսանալով բնական գազ մատակարարող կազմակերպություն, տեղեկացնում է, որ ՌԴ «Գազպրոմ էքսպորտ» ՍՊԸ-ի եւ «Գազպրոմ Արմենիա» ՓԲԸ-ի միջեւ 02.12.2013թ. կնքված Հայաստանի Հանրապետություն 2014-2019 թվականներին բնական գազի առաքման N02-13-04 կոնտրակտի 30.12.2018թ. կնքված N 69 լրացուցիչ համաձայնագրի համաձայն՝ 2019 թվականի հունվարի 1-ից 2019 թվականի դեկտեմբերի 31-ը ներառյալ ժամանակահատվածի համար ՀՀ առաքվող բնական գազի գինը 1000 խմ-ի համար սահմանվել է 165 ԱՄՆ դոլար, ընդ որում՝ նշված ժամանակահատվածում առաքված բնական գազի կալորիականությունից կախված բնական գազի արժեքի վերահաշվարկ չի իրականացվելու։

Ինչ վերաբերում է ՌԴ-ից ՀՀ մատակարարվող բնական գազի` Վրաստանի տարածքով տարանցման արժեքի ավելացմանը, ապա այդ գործոնը չի կարող ազդեցություն ունենալ ՀՀ առաքվող բնական գազի գնի վրա, քանի որ վերը նշված Կոնտրակտի համաձայն՝ Վրաստանի սահմանից Հայաստանի սահման բնական գազի փոխադրման հետ կապված բոլոր ծախսերն իրականացնում է բնական գազ վաճառող կողմը»,–ասված է «Գազպրոմ Արմենիա»-ի պատասխանում:

Ավելի վաղ NEWS.am-ը հայտնել էր, որ նախօրեին Վրաստանի էկոնոմիկայի եւ կայուն զարգացման փոխնախարար Նաթիա Տուրնավան ներկայացրել է վրացական տարածքով Հայաստանին գազի մատակարարման տրանզիտի մասին ռուսական «Գազպրոմ» ընկերության հետ համաձայնագրի մանրամասները՝ նշելով, որ վրացական կողմին հաջողվել է հասնել որոշակի հաջողությունների։ Նա նշել է, որ տրանզիտի արժեքը մեծացել է, իսկ ռուսական գազի գնման արժեքը՝ նվազել։

Ինչ վերաբերում է գներին, Տուրնավան, դրանք չի հստակեցրել։ «Թվեր ասել ես չեմ կարող։ Հենց դա է կոմերցիոն գաղտնիքի էությունը, որպեսզի որոշակի թվեր չնշվեն, սակայն ես ասում եմ դինամիկայի մասին, որը երկու դեպքում էլ մեր օգտին է»,- ընդգծել է նա։

Տպել
Կարդացեք նաև
Ամբողջը
«Գազպրոմ Արմենիա»-ի պարզաբանումները՝ Փաշինյանի կողմից գազի կորուստների վերաբերյալ հնչեցրած թվային ցուցանիշների շուրջ
Գազաբաշխման համակարգում կորուստների ցուցանիշը տարբեր տարիների կարող է տատանվել եղանակային պայմաններից ելնելով՝ ինչպես աճել, այնպես էլ նվազել…
Նավթի գները շարունակում են բարձրանալ
Նավթի գները հինգշաբթի շարունակում են բարձրանալ նոյեմբերին առավելագույն բարձրացումից հետո...
Քաթարը ԱՄԷ-ում ատոմակայանի կառուցումը տարածաշրջանային կայունությանն ուղղված սպառնալիք է համարում
ԱՄԷ-ն հերքում է անվտանգության հետ կապված խնդիրների առկայությունը․․․
Հայկական ԱԷԿ-ի փոխարինող հզորությունների ոլորտում անցկացվող աշխատանքները կարեւոր են. Արտեմ Պետրոսյան
Նրա խոսքով՝ տվյալ պիլոտային ծրագիրը ոչ միայն ռազմավարական նշանակություն ունի, այլեւ մեծ հետաքրքրություն է ներկայացնում Հայաստանի համար..
Հայկական ԱԷԿ-ը կարող է շահագործվել նաեւ 2026 թվականից հետո. ՀԱԷԿ տնօրենի խորհրդական
Նախագծի ավարտին Հայաստանն ավելի հզոր ԱԷԿ կունենա…
Նավթի գներն իջնում են
Սակարկությունները վկայում են նավթի գների իջնելու մասին...
Ամենաշատ
Ֆոտոռեպորտաժներ