ԱՄՆ-ը ծրագրում է օգոստոսին իրականացնել թեւավոր հրթիռների սկզբնական փորձարկումներ, որոնք արգելված էին ՓՄՀՀ պայմանագրով՝ հայտնում է AP-ը։

Սպասվում է, որ օգոստոսին Դոնալդ Թրամփի վարչակազմը դուրս կգա ՓՄՀՀ պայմանագրից, որն արգելում է ցամաքային բազավորման որոշակի հեռահարության հրթիռների փորձարկումն ու արձակումը։

Փետրվարին վարչակազմը դադարեցրել էր իր մասնակցությունը պայմանագրին՝ ստեղծելով ոչ միջուկային հրթիռների պահեստամասերի պատրաստման իրավաբանական հնարավորություն։