Արցախյան կոնֆլիկտի շուրջ ՍԴ Հնչակյան կուսակցությունը վերհաստատում է իր դիրքորոշումը եւ խստորեն դատապարտում ԵԱՀԿ Մինսկի խմբի հայտարարությունը։ Այս մասին NEWS.am-ը տեղեկանում ՍԴ Հնչակյան կուսակցության տարածած հայտարաությունից։
«ՍԴ Հնչակյան կուսակցությունը հայտարարում է, որ Արցախյան կոնֆլիկտի շուրջ իր դիրքորոշումը մնում է անփոփոխ եւ խստորեն դատապարտում է ԵԱՀԿ Մինսկի խմբի հայտարարությունը։ Առանց Արցախի կարգավիճակի որոշման եւ անվտանգության երաշխիքների հայ ժողովուրդը պատրաստ չէ որեւէ տեսակի փոխզիջումների շուրջ համաձայնության։ Միեւնույն ժամանակ հայտնում ենք մեր աջակցությունը իշխանությանը Արցախյան կոնֆլիկտի շուրջ բանակցություններում եւ կոչ ենք անում ՀՀ վարչապետին չընկրկել ու պահպանել սկզբունքայնություն»,- ասված է կուսակցության հայտարարության մեջ։
