Հայաստանի կառավարությունը պետական ապարատի օպտիմալացում է կատարում այն պատճառով, որ շատ կառույցներ, ըստ էության, կատարել են միեւնույն խնդիրներն ու գործառույթները, ինչը ընդհանուր առմամբ, զգալիորեն նվազեցրել է պետական ապարատի գործունեության արդյունավետությունը: Այս մասին մարտի 14-ին ԵԽԽՎ Մոնիթորինգային կոմիտեի Հայաստանի հարցով համազեկուցողների հետ հանդիպման ժամանակ ասաց ԱԺ Պետաիրավական հարցերով մշտական հանձնաժողովի նախագահ, իշխող «Իմ քայլը» դաշինքից պատգամավոր Վլադիմիր Վարդանյանը՝ պատասխանելով համազեկուցողներից մեկի՝ Յուլյա Լեւոչկինայի հարցին:
Նրա խոսքով՝ այս փաստը Հայաստանի կառավարությանը ստիպեց գնալ պետական ապարատի օպտիմալացման ճանապարհով եւ կառավարության նոր, ավելի արդյունավետ կառուցվածքի բարեփոխումներ անցկացնել: Ընդ որում՝ Վարդանյանը նշեց, որ այս գործընթացը բավականին աշխատատար է եւ խորը քննարկման կարիք ունի:
