ԱՄՆ Կալիֆոռնիա նահանգում Քոմփթոն/Վուդլի օդանավակայանում միմյանց են բախվել երկու թեթեւ մեկշարժիչանի օդանավեր, մեկ մարդ զոհվել է, հայտնում է Los Angeles Times պարբերականը՝ վկայակոչելով ԱՄՆ Քաղաքացիական ավիացիայի դաշնային վարչության (FAA) ներկայացուցիչներին:
Հաղորդվում է, որ պատահարը տեղի է ունեցել չորեքշաբթի երեկոյան, համապատասխան հաղորդումը հրշեջ ծառայությունը ստացել է տեղական ժամանակով մոտ 19.00-ին: Բախման հետեւանքով օդանավերից մեկն այրվել է: Հաղորդվում է, որ մեկ մարդ զոհվել է, եւս մեկին վնասվածքներով հոսպիտալացրել են:
Պատահարի պատճառն առայժմ չի պարզվել: FAA-ն քննում է բախման հանգամանքները: