Աֆղանստանում ՆԱՏՕ-ի ռազմական գործողությունը կախված կլինի թալիբների մասնակցությամբ խաղաղ բանակցությունների ելքից: Այս մասին հայտարարել է ՆԱՏՕ-ի գլխավոր քարտուղար Յենս Ստոլտենբերգը, փոխանցում է AP-ն:
Նրա խոսքով՝ ՆԱՏՕ-ի զորքերի ապագա թիվը, իհարկե, մեծապես կախված է այդ բանակցությունների արդյունքներից: Նա հիշեցրել է, որ բանակցությունները դեռեւս հեռու են ավարտվելուց: «Առայժմ վաղ է բանակցությունների ելքը կանխագուշակել,- ասել է Ստոլտենբերգը: - Դեռեւս անելու շատ բան կա, մինչեւ կկնքվի խաղաղ համաձայնագիրը»: