ՀԱՊԿ երկրների զինվորականներն ընթացիկ տարում մի քանի խոշոր համատեղ զորավարժություններ կանցկացնեն, «Կրասնայա զվեզդա» թերթին ասել է ՌԴ Անվտանգության խորհրդի տեղակալ Միխայիլ Պոպովը:
Նրա հաղորդմամբ՝ խոսքը ՀԱՊԿ Հավաքական ուժերի նախապատրաստության կատարելագործման եւ դրանք ըստ նշանակության օգտագործելու մասին է, ինչպես նաեւ կառավարման համակարգերի զարգացման եւ դրանց բազմակողմանի ապահովման:
«Համատեղ նախապատրաստության ծրագրին համապատասխան՝ 2019-ին նախատեսված է տարբեր ուղղվածության ավելի քան 40 միջոցառումների անցկացում, որոնցից հիմնականն են «Փոխգործակցություն-2019», «Անխախտ եղբայրություն-2019», «Մարտական եղբայրություն-2019», «Որոնում-2019» հատուկ վարժանքները, «Էշելոն-2019», ինչպես նաեւ հատուկ մարտավարական «Ամպրոպ-2019» զորվարժությունները», - ասել է Պոպովը: