Առաջին ատյանի դատարանը նշեց, որ բացառված է թաքնվելու հնարավորությունը։ Այս մասին այսօր՝ մարտի 15-ին, ՀՀ 2-րդ նախագահ Ռոբերտ Քոչարյանի կալանքի ժամկետը եւս 2 ամսով երկարացնելու վերաբերյալ որոշման հրապարակումից հետո լրագրողների հետ զրույցում ասաց Քոչարյանի պաշտպաններից Արամ Օրբելյանը։
«Դատարանն նշեց, որ բացառել է թաքնվելու հնարավորությունը, կալանքի ժամկետի երկարացման միակ հիմքն այն է, որ քանի որ հիմա նյութերին ծանոթանալու փուլն է, ռիսկային է գնահատել գործի վրա ազդելու հավանականությունը, եւ դատարանը գտել է, որ չկա հիմնավոր կասկած կաշառքի դրվագով»,- ասաց Արամ Օրբելյանը։
Նա հայտնեց, որ որոշումը բողոքարկելու են, քանի որ դատարանը չի կարող կաշկանդված լինել նախկին խափանման միջոցները բավարարելիս դատարանի որոշումներով։
Նշենք, որ դատավոր Արմեն Բեկթաշյանն այսօր բավարարեց ՀՔԾ-ի միջնորդությունն ու 2 ամսով երկարացրեց Քոչարյանի կալանքի ժամկետը։