News
Լրահոս
News
Չորեքշաբթի
Հունիս 19
USD
477.78
EUR
534.35
RUB
7.43
ME-USD
0.14
Տեսնել լրահոսը

ՀՀ գլխավոր դատախազության պատիժների և հարկադրանքի այլ միջոցների կիրառման  օրինականության նկատմամբ հսկողության վարչության և ՀՀ Լոռու մարզի  դատախազության կողմից համատեղ ստուգվել են ՀՀ ԱՆ «Վանաձոր» ՔԿՀ-ում  կալանավորված անձանց և դատապարտյալների հիմնական իրավունքների իրացման,  ինչպես նաև պատժի կրման կարգի և պահման պայմանների վիճակը: Այս մասին տեղեկացնում է ՀՀ գլխավոր դատախազությունը։

Ստուգմամբ արձանագրվել են որոշ խախտումներ: Մասնավորապես պարզվել է, որ  գրեթե բոլոր խցերում պահվող անձանց քնելատեղերն առանց համապատասխան թույլտվության վարագուրապատված են եղել, իսկ մեկ խցում արձանագրվել է դռան կերակրադռնակի քողարկում, որոնք  ՔԿՀ-ի ծառայողներին հնարավորություն չեն տալիս ամբողջությամբ դիտարկել խցում պահվող անձանց տեղաշարժը:

Մի շարք խցերում հայտնաբերվել է ՔԿՀ ներքին կանոնակարգի համաձայն արգելված առարկաներ հանդիսացող ապակյա և մետաղյա սպասքեղեն:

Առանձին խցերում արձանագրվել են նաև ձերբակալված և կալանավորված անձանց հատկացված բնակելի տարածության նվազագույն չափերը պահպանելու հետ կապված խախտումներ, որոշ պատժախցերում, հացադուլ հայտարարած և կարանտինում գնտվող անձանց պահելու համար նախատեսված խցերում, ՔԿՀ բաղնիքում առկա է եղել վերանորոգման, սանիտարական մշակում իրականացնելու անհրաժեշտություն:

Բացի այդ՝ պարզվել են նաև խախտումներ՝ կապված կալանավորվածներին պահելու վայրի խցում սանիտարահիգիենիկ կանոնների պահպանման համար հերթապահության սահմանման  և դրա նկատմամբ վերահսկողության իրականացման, պատիժը լրիվ կրելով ազատված դատապարտյալներին նախկին բնակության վայրում հաշվառելու ուղղությամբ սահմանված կարգով միջոցներ ձեռնարկելու գործառույթի իրականացման, ինչպես նաև ուղղիչ հիմնարկում դատապարտյալների մշակութային, լուսավորչական, կրոնական և մարզական ինքնագործ միավորումներ ստեղծելու և դրանց գործունեության ապահովման ընթացակարգերի և չափորոշիչների պահպանման հետ:

Պահվող անձանց սննդի տրամադրման գործընթացի ուսումնասիրությամբ պարզվել է, որ մատակարարվող հացը տեղափոխվում է ՔԿՀ-ի հաշվեկշռում գտնվող՝ սանիտարահիգենիկ անվտանգության տեսանկյունից դրան չհարմարեցված բեռնատար մեքենայով:

Իրականացված ստուգմամբ ի հայտ բերված խնդիրների վերաբերյալ տեղեկացվել է ՔԿՀ վարչակազմին: ՔԿՀ-ի պետի կողմից հավաստիացվել է, որ սեղմ ժամկետներում արձանագրված թերությունները կվերացնեն, և արդյունքների մասին կհայտնվի ՀՀ դատախազությանը: ՔԿՀ-ի վարչակազմին նաև տրվել են հանձնարարություններ կատարված ուսումնասիրության արդյունքում ձեռք բերված որոշ օպերատիվ հետաքրքրություն ներկայացնող տվյալների իրացման վերաբերյալ:

Տպել
Կարդացեք նաև
Ամբողջը
«Սեւան» ՔԿՀ աշխատակիցները տարածքի զննությամբ կասկածելի փաթեթ են հայտնաբերել
Հայտնաբերվածներն առգրավվել են, դեպքի առթիվ նախապատրաստվում են նյութեր, նշանակվել է դատաքիմիական փորձաքննություն...
Մագադանի բնակչուհին ծեծել է երկու պետավտոտեսչի
Մագադանցի կինը երկու ավտոտեսչի է ծեծել...
Դրանք ասեկոսեներ են. գլխավոր դատախազը՝ Նարեկ Սարգսյանին արտահանձնելու համաձայնություն չտալու տեղեկության մասին
Ալեքսանդր Սարգսյանի որդին հայտնել էր, որ իր տեղեկություններով՝ Չեխիայի արդարադատության նախարարը Նարեկ Սարգսյանին արտահանձնելու...
Նոր Նորքում բնակարանային գողությունը բացահայտվել է. 4 ձերբակալվածներից երկուսը համաներմամբ էր ազատ արձակվել
Բերման ենթարկվածներից մեկի մոտ հայտնաբերվել է կնոջ բնակարանից գողացված ոսկյա թեւնոցը...
«Զվարթնոց» օդանավակայանում գողացել են ԱԺ պատգամավոր Արսեն Ջուլֆալակյանի եղբոր մատանին
Ոստիկանները գտել են թե գողին, թե մատանին…
Նալբանդյան գյուղի գերեզմանատանը 41-ամյա տղամարդը դանակահարել է համագյուղացուն. նրա դեմքին վնասվածքներ են եղել
Ոստիկանները հայտնաբերել են կատարողին...