News
Լրահոս
News
Կիրակի
Օգոստոս 18
USD
475.92
EUR
527.46
RUB
7.22
ME-USD
0.14
Տեսնել լրահոսը

ՀՀ Ազգային ժողովի նախագահ Արարատ Միրզոյանը մարտի 15-ին ընդունել է ՄԱԿ-ի զարգացման ծրագրի տարածաշրջանային բյուրոյի տնօրեն Միրյանա Շպոլյարիչ Էգգերի գլխավորած պատվիրակությանը: Այս մասին NEWS.am-ը տեղեկանում է ՀՀ Ազգային ժողովի լրատվական ծառայությունից։

Ողջունելով հյուրերին՝ խորհրդարանի ղեկավարը բարձր է գնահատել ՄԱԿ-ի կողմից իրականացվող աջակցման ծրագրերը, որոնք մեծ դեր ունեն Հայաստանի զարգացման գործում: Օրենսդիր մարմնի ղեկավարը մասնավորապես ընդգծել է ընտրությունների կազմակերպման  գործընթացում ցուցաբերված օժանդակությունը, հետագա համագործակցության համատեքստում կարեւորել ԱԺ ծրագրերին ուղղված փոխգործակցությունը:

Արարատ Միրզոյանն առաջնահերթ է համարել խորհրդարանի ինստիտուցիոնալ կարողություների զարգացումը` այդ թվում փորձագիտական եւ աշխատակազմի ունակությունների բարելավումը: ԱԺ նախագահն ընդգծել է խորհրդարանական վերահսկողության կարեւորությունը՝ օգտակար համարելով միջազգային փորձի ուսումնասիրումը:

Խորհրդարանի ղեկավարը ներկայացրել է Ազգային ժողովի քաղաքական մեծամասնության օրակարգը՝ մասնավորապես ընդգծելով իրականացվող  բարեփոխումների անհրաժեշտությունը:

Միրյանա Շպոլյարիչ Էգգերը շնորհավորել է Արարատ Միրզոյանին Հայաստանում կայացած ազատ, արդար եւ ժողովրդավարական ընտրությունների եւ ԱԺ նախագահ ընտրվելու կապակցությամբ: Նա ողջունել է մեր երկրում տեղի ունեցող բարեփոխումները, անդրադարձել ՄԱԶԾ-ի եւ Հայաստանի խորհրդարանի համագործակցությանը, դիտարկել հիմնական առաջնահերթությունները՝ ուղղված երկրում իրականացվող գործընթացներին  ու զարգացման ծրագրերին:

Կողմերը քննարկել են տարածաշրջանային համատեղ ծրագրերի իրականացմանը վերաբերող հարցեր, պատրաստակամություն հայտնել խորացնելու համագործակցությունը տարբեր ուղղություններով:

 

!
Այս նյութը հասանելի է նաև   English
Տպել
Կարդացեք նաև
Ամբողջը
Կառավարությունը հանձնառու է կայուն զարգացման նպատակների իրականացմանը. Տիգրան Ավինյանը՝ ՄԱԿ-ի մշտական համակարգողին
Քննարկվել են կայուն զարգացման նպատակների ազգայնացման գործընթացի համակարգմանը վերաբերող հարցեր...
Պակիստանը խնդրել է շտապ ՄԱԿ ԱԽ նիստ անցկացնել Հնդկաստանի գործողությունների պատճառով
Օրակարգում «հնդկա-պակիստանյան հարց» կետով…
Ռուստամ Բադասյանն ընդունել է ՄԱԿ-ի զարգացման ծրագրի մշտական ներկայացուցչի պատվիրակությանը
ՄԱԿ-ի մշտական համակարգողը իրականացվող բարեփոխումների համատեքստում համապարփակ աջակցության պատրաստակամություն է հայտնել...
ՄԱԿ-ում Սաուդյան Արաբիայից սպասում են կանանց իրավունքների հետագա ընդլայնում
Մասնավորապես՝ տղամարդու «խնամակալության» համակարգի (ամուսնու կամ արական սեռի այլ ազգականի կողմից) լիակատար չեղարկում…
Մինչեւ տարեվերջ հնարավոր է միջազգային ահաբեկչությունների նոր ալիք. ՄԱԿ զեկույց
ՄԱԿ-ն նախազգուշացրել է, որ վերջերս գրանցված միջազգային ահաբեկչությունների դադարը շուտով կարող է ավարտվել…
ՄԱԿ-ի գլխավոր քարտուղարը Ռուսաստանին եւ ԱՄՆ-ին կոչ է արել երկարաձգել СНВ-III պայմանագիրը
«ԱՄՆ-ին եւ Ռուսաստանին համառորեն կոչ եմ անում երկարաձգել Ռազմավարական հարձակողական սպառազինությունների կրճատման պայմանագիրը...
Ֆոտոռեպորտաժներ