Նոր Զելանդիայի գլխավոր դատախազ Դեւիդ Փարքերը հայտարարել է, որ երկրի իշխանությունները կարող են արգելել կիսաավտոմատ զենքի վաճառքը, հաղորդում է The New Zealand Herald-ը:
Նրա խոսքով՝ ծայրահեղականության համաշխարհային սպառնալիքի մեծացման կապակցությամբ ժամանակն է փոխել զենքի շրջանառության մասին օրենքը:
Նա նաեւ նշել է, որ «կառավարությունը մտադիր է արգելել կիսաավտոմատ հրացանների ազատ շրջանառությունը, ինչպես դա արվել է աշխարհի շատ երկրներում»:
Ավելի վաղ Նոր Զելանդիայի վարչապետ Ջասինդա Արդենը հաղորդել էր, որ ամբողջ երկրով անվտանգության միջոցները զգալիորեն կուժեղացվեն, ինչպես նաեւ կվերանյվի զենքի շրջանառության մասին երկրում գործող օրենսդրությունը: