Պուերտոռիկուհի Աուրեյա Վասկես Ռիյոսը մեղավոր է ճանաչվել 14 տարվա վաղեմության սպանությունում. նա քիլլեր է վարձել հարուստ կանադացի ամուսնուց ազատվելու համար, հաղորդում է Fox News-ը:
Կնոջը ցմահ ազատազրկման են դատապարտել ԱՄՆ-ի Տեխաս նահանգի Ֆորտ Ուերթ քաղաքի բանտում:
Հետաքննության ընթացքում պարզվել է, որ Վասկեսը մարդասպանին 3 մլն դոլար է առաջարկել, որպեսզի նա սպանի իր 32-ամյա ամուսնուն՝ անշարժ գույքի վաճառքով զբաղվող Ադամ Էնհանգին:
2015-ին տղամարդուն սպանել են, իսկ հետո քարով հարվածել գլխին, երբ նա կնոջ հետ զբոսնում էր Պուերտո Ռիկոյի Սան Խուան պատմական մայրաքաղաքում:
Դատախազները հայտարարել են, որ սպանությունից 12 ժամ առաջ Էնհանգը կնոջից ապահարզան է պահանջել:
Համաձայն ամուսնական պայմանագրի՝ աապահարզանի դեպքում Վասկեսը 62 300 հազար կստանար, մինչդեռ նրա ամուսնու ունեցվածքը ավելի քան 24 մլն դոլար էր գնահատվում: