News
Լրահոս
News
Կիրակի
Հոկտեմբեր 20
USD
476.34
EUR
530.17
RUB
7.45
ME-USD
0.07
Տեսնել լրահոսը

Արաբկիր բժշկական կենտրոնում մահացած երեքամյա Մարիա Առաքելյանի ընտանիքը մինչեւ հետաքննության ավարտը որեւէ մեկի չի մեղադրի, նրանք ակնկալում են, որ մեղավորները կբացահայտվեն եւ կպատժվեն։ Այս մասին NEWS.am-ի հետ զրույցում այսօր՝ մարտի 17-ին, ասաց մահացած երեխայի մայրը՝ Անի Մինասյանը։

Նշենք, որ երեխայի մահվանից հետո տարբեր կարծիքներ կային, թե երեխան անուշադրության հետեւանքով կամ կաթվածից է մահացել, մայրը հերքեց, որ երեխան առողջական որևէ խնդիր է ունեցել, ասաց՝ ստացել են մահվան վկայականը, որտեղ նշված է, որ երեխան մահացել է ասֆիքսիայից՝ շնչահեղձությունից, որն էլ առաջացել է սննդի վերին շնչառական ուղիներն ընկնելուց։

«Երեխան այդ օրը բրնձով սուպիկ է կերել, որից մի զանգված հայտնվել է երեխայի շնչուղիներում»,- ասաց Անի Մինասյանը՝ շեշտելով, որ իրենք որևէ մեկի դեմ բողոք չունեն, սպասում են արդար քննության․ «Մենք որևէ մեկի դեմ բողոք չունենք, սպասում ենք դատաբժշկական փորձաքննության պատասխանին, որը կլինի մեկ ամիս անց»,- նշեց նա։

Մայրը նաև ասաց, որ դստեր մահից հետո տղային մանկապարտեզ չի ուղարկում. «Հոգեբանորեն չենք կարողանում ուղարկել։ Կարծում եմ, որ պետք է մանկապարտեզներում ճաշից հետո երեխաներին անմիջապես չքնեցնեն, այլ քնեցնեն ճաշ ուտելուց որոշ ժամանակ անց»։

Հիշեցնենք, որ 2019 թվականի մարտի 4-ին Ոստիկանությունն ահազանգ էր ստացել, որ սրտի կանգով Արաբկիր բժշկական կենտրոնի վերակենդանացման բաժանմունք է տեղափոխվել 2015 թվականին ծնված աղջիկ երեխա, Երևանի բնակիչ:

Երևանի թիվ 153 մանկապարտեզում երեխան ճաշից հետո պառկել է քնելու, մի քանի րոպե անց սկսել է խռխռալ։ Երբ դաստիարակը մոտեցել է նրան, նկատել է փսխած զանգված, իսկ երեխան նրա կանչին չի արձագանքել: Երեխային տեղափոխել են հիվանդանոց, սակայն կյանքը փրկել չի հաջողվել։ Երեխայի մահվանից հետո դատաբժշկական փորձքաննություն է նշանակվել։

ՀՀ քննչական կոմիտեն նախօրեին մանրամասներ է հայտնել, որ աղիքային ցուպիկի մանրէների հայտնաբերման նպատակով լաբորատոր հետազոտության են ենթարկվել մանկապարտեզի դաստիրակը, դաստիրակի օգնականը, խոհարարը, փորձանմուշներ են վերցվել նրանց հագուստներից։

Կատարված հետազոտությունների արդյունքում, սակայն, խախտումներ չեն հայտնաբերվել:

Մանկապարտեզում ինչի՞ց է մահացել 3-ամյա երեխան. ստացվել են փորձաքննության արդյունքները

!
Այս նյութը հասանելի է նաև   English
Տպել
Կարդացեք նաև
Ամբողջը
Խոշոր ավտովթար՝ Արարատի մարզում. Mercedes-ը բախվել է «07»-ին եւ հայտնվել ջրանցքում
Բախման հետեւանքով Mercedes-ը դուրս է եկել երթեւեկելի գոտուց եւ հայտնվել ջրանցքում...
Ռուսաստանում երիտասարդ տղամարդն ինքնասպան է եղել ուղիղ եթերում
«Ես քիչ առաջ խոսել եմ նրա հետ, ու նա ասել է, որ ես տղամարդ չեմ»…
Արտակարգ դեպք Արտաշատում. 35-ամյա տղամարդը գերեզմանոցում փորձել է ինքնասպան լինել
Ոստիկաններն ու քննիչները պարզել են, որ նույն օրը, ժամը 11։00-ի սահմաններում Ոստան գյուղից…
Աղձք գյուղում այրվել է նախկին մշակույթի տան հատակը եւ 6 աթոռ
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ…
Գիշերվա այդ ժամին, անչափահաս երեխային, ամենայն հավանականությամբ, թրաֆիքինգի են ենթարկում. Բաթոյան
Հենց նոր Երևանի կենտրոնական փողոցներից մեկում 9-10 տարեկան երեխայի տեսա...
Հրդեհ Տավուշի մարզի Լուսաձոր գյուղում
Պարզվել է,որ հրդեհը բռնկվել է «Քարի գլուխ» կոչվող հանդամասում…
Ամենաշատ