News
Լրահոս
News
Շաբաթ
Մայիս 25
Տեսնել լրահոսը

Արագածոտնի մարզ Արագած համայնքի բնակիչները քիչ առաջ բացել են Երևան–Վանաձոր մայրուղին, որը փակել էին այսօր առավոտից՝ պահանջելով դադարեցնել Գեղարոտ գետի վրա գործող 2 հէկերի աշխատանքը։

NEWS.am–ի հետ զրույցում Արագած վարչական համայնքի ղեկավար Հենրիկ Հովհաննիսյանն ասաց, որ հէկերի աշխատանքը կրկին դադարեցվել է։

Նրա խոսքով՝ մարզպետ Դավիթ Գևորգյանը խոսել է բնակիչների հետ, լսել նրանց պահանջները. հէկերի օգտագործած ոռոգման ջուրն ուղարկվելու է փորձաքննության։

Հենրիկ Հովհաննիսյանը նաև փոխանցեց հէկերի պատասխանատուների կարծիքը, ըստ որի ջրի որակը նորմալ է։

Նշենք, որ համայնքի բնակիչները դժգոհ են ոռոգմնան ջրի որակից. Նախկինում այն ստանում էին գետից, և այն մաքուր էր, հէկերի կառուցումից հետո ջուրը ստանում են խողովակներով, ինչը վատացրել է ջրի որակը. ջուրը չի ֆիլտրացվում։

!
Այս նյութը հասանելի է նաև   English
Տպել