Ամերիկյան Թենեսի նահանգում բերման է ենթարկվել 90-ամյա Բեսի Բոուենը, երբ նրա հարեւանուհին հայտնել է, որ Բոուենը զենքով սպառնացել է սպանել նրան տան բակում թափված տերեւների պատճառով, հաղորդում է Fox News-ը:
Տարեց կինը մեղադրվել է ծանրացնող հանգամանքների պարագայում հարձակվելու եւ բռնություն գործադրելու մեջ:
Ոստիկանությունը խուզարկել է թոշակառուի տունը, սակայն արդյունքում գտել է միայն ատրճանակի դատարկ պատյանը:
Ավելի ուշ կինն ազատ է արձակվել անձնական պարտավորության ներքո:
Նրա մյուս հարեւանը հայտարարել է, որ ցնցված է տեղի ունեցածով՝ ընդ որում նշելով, որ տարեց կինը «միշտ բավականին լուրջ էր վերաբերվում իր բակին»:
