Հարկային օրենսգրքի փոփոխությունների այս փաթեթը սպասված էր բիզնեսի կողմից։ Այս մասին այսօր՝ մարտի 18-ին, լրագրողների հետ զրույցում ասաց փոխվարչապետ Տիգրան Ավինյանը՝ պատասխանելով հարցին, թե կառավարության ներկայացրած Հարկային օրենսգրքի փոփոխությունների փաթեթը արդյոք հեղափոխական է։
«Սա հարկային օրենսգիրք էր, որը սպասված էր բիզնեսի կողմից եւ համոզված եմ, որ այն դրական էֆեկտ է ունենալու տնտեսության վրա»,–նշեց նա:
Տիգրան Ավինյանի խոսքով՝ օրենսգրքի փաթեթի շուրջ քննարկումներն արդեն տեղափոխվում են Ազգային ժողովի դաշտ. «Հարկային օրենսգրքի փաթեթը շատ ծավալուն է եւ շատ հարցեր են արծարծվում այդ փաթեթում , հետեւապես նաեւ դրա վերաբերյալ խոսակցություններն ու քննարկումները շարունակական են եւ արդեն իսկ տեղափոխվում է Ազգային ժողովի դաշտ»։
Փոխվարչապետը, սակայն, համոզված է Հարկային օրենսգրքի փաթեթի շուրջ կոնսեսուսային որոշում է կայացվելու. «Հարկային օրենսգրքի փաթեթը շատ մեծ փաստաթուղթ է եւ շատ դետալներ կան, որ կառավարության ներսում շատ երկար քննարկումներ են անցել։ Ես չեմ բացառում, որ այդ քննարկումները կշարունակվեն Ազգային ժողովում, բայց համոզված եմ, որ ընդհանուր կոնսեսուսային որոշում կկայացվի»։
Նկատենք սակայն, որ Հարկային օրենսգրքի փոփոխությունների նախագիծը բողոքի գործողությունների առիթ տվել: Մասնավորապես, որոշ դրությների դեմ են արտահայտվել նաեւ ԱԺ «Իմ քայլը» խմբակցության տնտեսագետ պատգամավորները:
