Հայաստանի վարչապետ Նիկոլ Փաշինյանի Իրան կատարած այցելության ժամանակ քննարկվել են տարածաշրջանային նշանակության հարցեր։ Այս մասին մարտի 18-ին լրագրողների հետ հանդիպմանն ասել է Հայաստանի Գիտությունների ազգային ակադեմիայի Արեւելագիտության ինստիտուտի տնօրեն Ռուբեն Սաֆրաստյանը։
Նա նշել է, որ կողմերը քննարկել են հարցեր, մասնավորապես՝ կապված Իրանից Վրաստան գազի տարանցման երկիր դառնալու հնարավորության հետ։
«Բացի այդ, էներգետիկայի ոլորտում համագործակցության մասով կողմերը դիտարկել են Իրան-Հայաստան-Վրաստան-Ռուսաստան էներգետիկ միջանցքի, Պարսից ծոցից դեպի Սեւ ծով տրանսպորտային-լոգիստիկ միջանցքի բացման հնարավորությունները։
«Բոլոր ծրագրերի իրականացումը, որոնք նշել են Նիկոլ Փաշինյանն ու Հասան Ռոհանին, պահանջում է երկու կողմերի վճռականությունը, քանի որ հնարավոր է, որ երրորդ երկրների ներկայացուցիչները, օրինակ՝ ԱՄՆ-ը, կարող են փորձել ճնշում գործադրել»,- ընդգծել է փորձագետը։
Նա նշել է, որ Ադրբեջանը նույնպես բավական սերտ համագործակցում է Իրանի հետ, բայց դա չի խանգարում Հայաստանին խորացնել փոխգործակցությունն Իրանի հետ։
«Ես կարծում եմ, որ մենք մեծ ներուժ ունենք։ Բացի այդ, կան մի շարք ոլորտներ, որոնք մեզ համար փոխադարձ հետաքրքրություն են ներկայացնում։ Եթե այս նախագծերն իրականացվեն, դա կհանգեցնի Հայաստանի տարածաշրջանային նշանակալիության բարձրացմանը»,- ամփոփել է Ռուբեն Սաֆրաստյանը։
