Ավելի քան 44 միլիոն մարդ օգտագործում է հաղորդագրությունների փոխանակման KakaoTalk հավելվածը։ Այժմ նրանք կարող են ոչ միայն միմյանց նամակներ ուղարկել, այլեւ կրիպտոարժույթներ փոխանակել եւ բլոկչեյն-հավելվածներ գործարկել։
Թվային դրամապանակը ստեղծվել է Klatyn բլոկչեյնում։ Անցյալ շաբաթ Kakao-ի ներկայացուցիչները 90 մլն դոլարի ներդրումներ էին գրավել այդ հարթակի հետագա մշակման համար։ Ապագայում ընկերության մասնագետները ծրագրում են թվային արժույթներ ավելացնել նաեւ այլ ծառայություններում՝ KakaoPay-ում, KakaoTaxi-ում, KakaoStory-ում, KakaoStock-ում։
Kakao-ի ղեկավարությունը որոշել է մեսենջերում կրիպտոարժույթ ավելացնել այն բանից հետո, երբ Samsung-ի մասնագետները թվային արժույթների գանձարան էին ներդրել Galaxy S10-ի մեջ։
KakaoTalk-ի օգտատերերը կարող են ինքնուրույն կառավարել դրամապանակը, սակայն կա նաեւ այն ամբողջովին անջատելու գործառույթ։
Առաջիկայում թվային փողեր կհայտնվեն նաեւ WhatsApp-ում, որի օգտատերերը կարող են միմյանց գումարներ փոխանցել եւ վճարել գնումների համար։ Ի տարբերություն հարավկորեական ծառայության, մեսենջերում հասանելի կլինեն ոչ թե տարբեր կրիպտոարժույթներ, այլ միայն սթեյբլկոինը, որը մշակում են Facebook-ի մասնագետները։