«Արմավիր» ՔԿՀ-ում անժամկետ հացադուլ է հայտարարել ցմահ դատապարտյալ Հայկ Թորոսյանը։ Այս մասին NEWS.am-ի հետ զրույցում հայտնեց ՀՀ ԱՆ Քրեակատարողական վարչության հանրային կապերի բաժնի պետ, արդարադատության մայոր Նոնա Նավիկյանը։
Ըստ նախնական տեղեկությունների, դատապարտյալը պահանջում է իրեն «Արմավիր» ՔԿՀ–ից տեղափոխել «Հրազդան» ՔԿՀ, որտեղ կան իր առողջության պահպանման համար առավել բարենպաստ պայմաններ։
Նշենք, որ Հայկ Թորոսյանը 2013 թվականին ուղեղի սուր կաթված է ստացել եւ այժմ ունի հաշմանդամության կարգ։