Google-ը որոշել է փորձել ստեղծել սեփական «ժամանակակից հաշվիչ սարքը», որը ծալվում է Z տառի նման՝ հայտնում է HighTech-ը։
Արտոնագրում, որն առաջինը նկատել է Patently Mobile-ը, նկարագրվում է ոչ թե սմարթֆոն, այլ ինչ-որ համակարգչային սարք։
Հնարավոր է, Google-ը որոշել է ուղղակի փաստաթղթավորել գաղափարը եւ երկար ժամանակով հետաձգել դրա արտադրությունը։ Եւս մեկ տարբերակ՝ նոր գաջեթը սմարթֆոնի շրջանակներից դուրս եկող ընդլայնված գործառույթներ կունենա։
Google-ի սարքի հիմնական գաղափարը երկու անգամ ծալվող դիսփլեյն է։ Սակայն ինժեներներն առաջարկում են Xiaomi-ից տարբեր լուծում՝ տարբերությունը Z-աձեւ ծալվելն է, որն ունի իր առավելությունները եւ թերությունները։ Առավելություններից են քիչ տեղ զբաղեցնելը, դիսփլեյի մեծ մասի պաշտպանվածությունը վնասվածքներից։
Թերությունն այն է, որ ծալվածքի տեղում երկու վահանակների միջեւ տարածությունը մեծ է։ Այն ավելի հաստ է ստացվում, քան երկտակ ծալվող սմարթֆոնները։