Mercedes-Maybach ընկերությունը ծրագրում է մինչեւ 2019-ի վերջը ներկայացնել առաջին սերիական քրոսովերը։ Ակնկալվում է, որ ավտոմեքենայի շնորհանդեսը կկայանա Չինաստանում հատուկ միջոցառման ժամանակ՝ հայտնում է Autonews-ը։
Ավտոմեքենայի վաճառքը կսկսվի հաջորդ տարվա սկզբին։ Նրա հիմնական հակառակորդները շուկայում կլինեն Bentley Bentayga-ն եւ Rolls-Royce Cullinan-ը։
Նորույթի արտադրությունը կիրականացվի ամերիկյան Ալաբամա նահանգի գործարանում, որտեղ հավաքում են GLS, GLE եւ GLE Coupe մոդելները։
Քրոսովերը հավանաբար կարժենա մոտ 200 000 դոլար։ Այսպիսով, Maybach-ի նորույթը կդառնա ԱՄՆ-ում հավաքվող ամենաթանկարժեք ավտոմեքենաներից մեկը։