Android-ների հակավիրուսային հավելվածների մեկ երրորդը սարքերի ոչ մի պաշտպանություն չէր ապահովում։ Այս մասին են վկայում թեսթերի արդյունքները, որոնք անցկացրել են AV-Comparatives ընկերության մասնագետները, տեղեկացնում է Lenta-ն։
Հաշվետվության համաձայն՝ ստուգմանը մասնակցել է 250 հակավիրուսային ծրագիր։ Դրանցից միայն 80-ն է բավարարել անվտանգության նվազագույն պահանջները (դրանցից շատերը հայտնի ընկերությունների՝ McAfee, Avast, Symantec, Trend Micro եւ այլն, արտադրանքն են)։
Մասնագետները պնդում են, որ անարդյունավետ հավելվածները կամ ոչ մի կերպ չեն պաշտպանում սարքերը, կամ օգտագործում են հայտնաբերման կասկածելի մեխանիզմներ։ Դրանք հաճախ օգտագործում են «սպիտակ» ցուցակի սկզբունքը, այսինքն՝ վտանգավոր են համարում բոլոր հավելվածները կամ էջերը, բացի դրանում նշվածներից։ Նման հակավիրուսներին կարելի էր խաբել՝ կեղծելով դոմենի անունը հայտնի հասցեով։
Զեկույցում նաեւ ճշտվում է, որ նման հավելվածները տարբերվում են շաբլոն ինտերֆեյսներից։ Նրանք համոզված են, որ չաշխատող հակավիրուսների հիմնական նպատակն է՝ թեթեւ եկամուտ ապահովել դրանք ստեղծողների համար, այլ ոչ թե պաշտպանել օգտատերերին։
