«Իմ քայլը» կուսակցությունների դաշինքի Երեւան քաղաքի ընտրական ցուցակով ընտրված ավագանու անդամներ Սուրեն Գալստյանը եւ Կարեն Անտաշյանը դիմումներ են ներկայացրել ավագանու անդամի պաշտոնից հրաժարվելու մասին: Այս մասին Երեւանի ավագանու այսօրվա՝ մարտի 19-ի նիստից առաջ հայտարարեց քաղաքապետ Հայկ Մարությանը:

Լիազորությունները վաղաժամկետ դադարեցրած ավագանու անդամների մանդատները տրվել են «Իմ քայլը» դաշինքի ցուցակի հերթական հաջորդ թեկնածուներ Դավիթ Զախարյանին եւ Կարինե Բաղդասարյանին: