News
Լրահոս
News
Շաբաթ
Ապրիլ 20
Տեսնել լրահոսը


Հայտարարությունը, թե Լեռնային Ղարաբաղի մասնակցությունը փոխում է բանակցային գործընթացի ձեւաչափը, իրավիճակի ոչ ճիշտ մեկնաբանություն է։ Այս մասին մարտի 19-ի մամուլի ասուլիսում ասաց Հայաստանի վարչապետ Նիկոլ Փաշինյանը (ֆոտոռեպորտաժ

«Եվ սա միայն Ալիեւը չի ասում։ Հայաստանում նույնպես ասողներ կան։ Բայց սա ոչ թե ձեւաչափը փոխելու, այլ ձեւաչափը վերականգնելու առաջարկություն է։ Եվ որպեսզի իմ խոսքերը մերկապարանոց չհնչեն, մի քանի փաստ բերեմ»,- նշեց վարչապետը։

Սկզբում նա հիշեցրեց, որ երբ ձեւավորվել է Մինսկի խումբը, կոնֆերանսին հրավիրված հնարավոր մասնակիցների թվում կազմակերպության ընդունած փաստաթղթում ընդգծվել է ԼՂ ընտրված եւ այլ ներկայացուցիչների մասնակցությունը որպես շահագրգիռ կողմեր։ 1994 թվականի մայիսին հրադադարի մասին համաձայնագիրը ստորագրվել է երեք՝ Հայաստանի, Արցախի եւ Ադրբեջանի պաշտպանության նախարարների կողմից։ Դրանում հստակ նշված է, որ ստորագրում են հակամարտող կողմերը։ «Հայաստանը, ի դեպ, նույնպես նշված է, եւ ստորագրել է փաստաթուղթը ՀՀԿ ներկայիս ղեկավարը»,- նկատել է Փաշինյանը։

1994 թվականի դեկտեմբերին ընդունվել է Բուդապեշտի հռչակագիրը, որի գլուխներից մեկը նվիրված է ղարաբաղյան հակամարտությանը։ Այնտեղ ասվում է, որ ֆորումի մասնակիցները ողջունում են հակամարտող կողմերի ստորագրած հրադադարի համաձայնագիրը։ Այնուհետեւ, գործող նախագահ (այն ժամանակվա) Կովաչի հայտարարությունը 1995 թվականի մարտին՝ Պրահայում հանդիպման արդյունքների հիման վրա։ Այնտեղ ասվում է, որ գործող նախագահը հաստատում է ԵԱՀԿ նախորդ որոշումը բանակցային գործընթացին եւ Մինսկի կոնֆերանսին երկու պետությունների եւ այլ կողմի (ԼՂ) մասնակցության մասին։ «Սա համաձայնեցված եւ միջազգային մակարդակով ճանաչված ձեւաչափ է։ Այսինքն՝ նրանք, ովքեր խոսում են ձեւաչափի փոփոխության մասին, վատ են տեղեկացված դրա մասին»,- ընդգծել է Փաշինյանը։

Նա չխոսեց այն մասին, թե ինչպես պատահեց, որ ԼՂ-ն դուրս մնաց բանակցային գործընթացից. «Չենք խոսի, թեեւ բոլորս գիտենք ում մասին է խոսքը»։ 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Մարաղայի ջարդերը հայերի նկատմամբ ատելության և թշնամանքի քաղաքականության հերթական դրսևորումն է. հայտարարություն
Մարաղայի ջարդերը հայերի նկատմամբ ատելության և թշնամանքի ադրբեջանական…
Արցախի պատգամավորներին կշտամբել եմ իրենց թուլակամության համար․ Սերժ Սարգսյան
Թուլակամությունը կայանում էր նրանում, որ մամուլը ինչպես գրել էր, որ Քառօրյա պատերազմի ընթացքում Լաչինի միջանցքով մեծ խցանումներ․․․
Ծիծեռնակաբերդի բարձունքում նշվեց Ադրբեջանական ԽՍՀ-ում հայկական ջարդերի զոհերի հիշատակին նվիրված տարելիցը
Ծիծեռնակաբերդի բարձունքում նշվեց Ադրբեջանական ԽՍՀ-ում կազմակերպված...
Բոլորս պետք է ջանանք, որ Սումգայիթում տեղի ունեցած ողբերգությունները երբեք չկրկնվեն. Մարագոս
Իմ խորին ցավակցությունն եմ հայտնում բոլորին, ովքեր 36 տարի առաջ...
Բաքվին կոչ ենք անում առերեսվել հայաբնակ վայրերի հայաթափման հանցանքին, ԼՂ էթնիկ զտմանը և ցեղասպանությանը.հայտարարություն
Ադրբեջանի արտաքին գործերի նախարարությանը հայտարարություն է տարածել՝ շարունակելով Հայաստանի հասցեին հերյուրանքներ սփռելու պետական գիծը...
Այսօր էլ Ադրբեջանը շարունակում է իր վերահսկողության ներքո հայկական որևէ հետքի վերացմանն ուղղված քաղաքականությունը. ԱԳՆ
Միջազգային հանրությունը պետք է համարժեք գնահատական տա տեղի ունեցած զանգվածային ոճրագործություններին և գործարկի առկա բոլոր մեխանիզմները...
Ամենաշատ