News
Լրահոս
News
Երկուշաբթի
Օգոստոս 19
USD
475.91
EUR
528.16
RUB
7.12
ME-USD
0.14
Տեսնել լրահոսը


Վարչապետին սպասարկող ուղղաթիռն ու ինքնաթիռը մետաղական ջարդոնի չվերածվելու համար պարտավոր են ժամանակ առ ժամանակ օդ բարձրանալ։ Այս մասին այսօր՝ մարտի 19–ին, լրագրողների հետ զրույցում ասաց վարչապետ Նիկոլ Փաշինյանը՝ անդրադառնալով իր և իր ընտանիքի անդամների ուղևորությունների և ճոխ ծախսերի մասին հնչող քննադատություններին։

«Մեր իրականության մեջ մի նոր սիմվոլ է հայտնվել՝ ուղղաթիռը։ Ես ուզում եմ մի վատ լուր ասել ուղղաթիռի հարցով մտահոգ մեր բոլոր մարդկանց: Այդ ուղղաթիռը, որ վարչապետի ծառայողական ուղղաթիռն է, ունի պարտադիր թռիչքային ժամեր: Սա նշանակում է, որ այդ տեխնիկան չվերածվի մետաղի ջարդոնի, ինքն ունի պարտադիր թռիչքային ժամեր: Եթե նույնիսկ վարչապետը չի նստում այդ ուղղաթիռը, այն պարտավոր է դատարկ օդ բարձրանալ, գնալ, Ստեփանակերտով, Վարդենիսով բանով պտտվել գալ: Նույնը վերաբերում է ինքնաթիռին:

Երկրորդը, կա վարչապետի ծառայողական ավտոմեքենա: Իմիջիայլոց, ես հիմա շրջում եմ մի մեքենայով, որը 2008 թվականին գնվել է Սերժ Սարգսյանի համար, եւ որը Սերժ Սարգսյանի կողմից վերջին 3 տարին չի օգտագործվել, որովհետեւ համարվել է, որ պիտանի չէ օգտագործման համար: Կա մի հատ էլ BMW ավտոմեքենա, որը գնվել է Ռոբերտ Քոչարյանի համար, երբ ինքը պաշտոնավարել է։ Հեծանիվով եմ գնում, ասում են՝ հեծանիվով է գնում, ոտքով եմ գնում, ասում են՝ պոպուլիստ է, մեքենայով եմ գնում, ասում են՝ ինչի՞ է մեքենայով գնում»,– ասաց Փաշինյանը:

!
Այս նյութը հասանելի է նաև   Русский
Տպել
Ֆոտոռեպորտաժներ