News
Լրահոս
News
Կիրակի
Հոկտեմբեր 20
USD
476.34
EUR
530.17
RUB
7.45
ME-USD
0.07
Տեսնել լրահոսը

Հայաստանը համացանցի օգտատերերի թվով տարածաշրջանում համարվում է առաջատար երկրներից մեկը, բայց չնայած դրան, երկրում ոչ կանխիկ գործարքների ծավալը շարունակում է փոքր մնալ: Այս մասին մարտի 19-ին լրագրողների հետ հանդիպման ժամանակ ասաց Հայաստանի Բանկերի միության նախագահ Արտակ Անեսյանը:

Նրա խոսքով՝ 2018 թվականին Հայաստանում բանկային գործողությունների ամբողջ ծավալից գործարքների միայն մոտ 20 տոկոսն է եղել ոչ կանխիկ, իսկ մնացյալ 80 տոկոսը՝ կանխիկ: Ըստ Անեսյանի՝ հայ հասարակության շրջանում դեռեւս տարածված են կանխիկ փողով գործարքները, չնայած ոչ կանխիկ վճարումն ավելի պարզ է եւ անվտանգ: «Անհրաժեշտ է փոխել այս կարծրատիպերը եւ մարդկանց ցույց տալ, որ ոչ կանխիկ գործարքներն ավելի հարմար են ու հուսալի, ավելին՝ կորուստների դեպքում կարող է փոխհատուցում լինել»,- շեշտեց Անեսյանը:

Նրա խոսքով՝ անհրաժեշտ է մի շարք մկիջոցառումներ ձեռնարկել, որոնք կնպաստեին երկրում ոչ կանխիկ գործարքների աճին, որպեսզի գործարքների ընդհանուր թվում դրանց տոկոսը աճի 20-ից մինչեւ 80: Առավել եւս, որ ոչ կանխիկ գործարքները առավել պարզ ու հարմար են դառնում. այսօր արդեն անգամ պետք չէ քարտը հետը ունենալ՝ կարելի է վճարել հեռախոսի միջոցով:

Հայաստանի Բանկերի միության գործադիր տնօրեն Սեյրան Սարգսյանն իր հերթին նշեց, որ 2018 թվականին Հայաստանի բոլոր բանկերում իրականացվել է 30 110 602 կանխիկ գործարք, ինչը 19,3 տոկոսով ավելի է, քան 2017 թվականին, իսկ ոչ կանխիկ գործարքների թիվը կազմել է 18 014 158՝ աճը կազմել է 63,8 տոկոս: Կանխիկ գործարքների ծավալը կազմել է 1 536,5 մլրդ դրամ (աճը՝ 17,5 տոկոս), իսկ ոչ կանխիկ գործարքների ծավալը՝ 395,9 մլրդ դրամ (աճը՝ 47,2 տոկոս):

Սեյրան Սարգսյանը հիշեցրեց, որ Հայաստանում այսօրվա դրությամբ ներկայացված են բոլոր միջազգային վճարային համակարգերը, իսկ վճարային քարտերի ընդհանուր քանակությունը կազմել է 2 024 070՝ 309 հազարով (18 տոկոսվ) ավելի, քան 2017-ին: Այս քարտերի օգտագործմամբ կատարվել է 1,9 տրլն դրամի 48 մլն գործողություն:

!
Այս նյութը հասանելի է նաև   Русский
Տպել
Կարդացեք նաև
Ամբողջը
IDBank-ը սկսում է տեղեկատվական անվտանգության արշավ
Առաջին 30 դիմորդները կհրավիրվեն մասնակցելու դասախոսությանը․․․․
Արթուր Ջավադյանը մեկնել է Վաշինգտոն. Նա կմասնակցի ԱՄՀ եւ ՀԲ աշնանային նստաշրջանին
Միջոցառման շրջանակում աշխատանքային քննարկումներ են նախատեսված Եվրոպական ներդրումային բանկի...
«Փոխանցիր հեշտ, ստացիր արագ». ակցիա «Հայբիզնեսբանկի» կողմից
Եվ սա դեռ ամենը չէ՝ ակցիայի ընթացքում յուրաքանչյուր 1000-րդ գործարքը կատարած հաճախորդը կստանա նվեր…
Արդշինբանկը հրապարակել է 2019 թվականի երրորդ եռամսյակի գործունեության արդյունքները
Եռամսյակի ընթացքում Բանկի մշտական ակտիվ հաճախորդների քանակն աճել է մոտ 1500-ով՝ կազմելով շուրջ 250 000...
Հայբիզնեսբանկի Հեռախոսազանգերի կենտրոնն ունի նաև Viber և WhatsApp հավելվածներ
Այսուհետ՝ ինտերակտիվ կապի միջոցով մեր հաճախորդները հնարավորություն կստանան…
Թուրքական Halkbank-ը ԱՄՆ-ի մեղադրանքները կապել է Սիրիա ներխուժման հետ
Halkbank-ը հայտարարել է, որ «չի խախտել պատժամիջոցները եւ չի գտնվում ԱՄՆ արդարադատության նախարարության ենթադասության տակ...
Ամենաշատ