News
Լրահոս
News
Երկուշաբթի
Հոկտեմբեր 14
USD
476.44
EUR
525.85
RUB
7.42
ME-USD
0.08
Տեսնել լրահոսը

ՀՀ տնտեսական զարգացման եւ ներդրումների նախարար Տիգրան Խաչատրյանն այսօր՝ մարտի 19-ին, հանդիպել է Եվրոպական հանձնաժողովի հարեւանության եւ ընդլայնման բանակցությունների գլխավոր տնօրինության հարեւանության հարցերով տնօրեն Լոուրենս Մերեդիթի հետ։ Այս մասին NEWS.am-ին հայտնում են ՀՀ տնտեսական զարգացման եւ ներդրումների նախարարության լրատվական ծառայությունից։

«Մենք կարծում ենք, որ ներկայիս ծրագրերի իրականացման ընթացքը եւ դրանց առանցքում նպատակադրված թիրախներն առաջիկա առաջընթացն ապահովելու գործում մեծ ներուժ ունեն բոլոր ուղղություններում՝ մարդկային կապիտալի զարգացում, պետական կառավարման բարեփոխումներ, գործարար եւ հատկապես ՓՄՁ միջավայրի բարելավում եւ այլն», - նշել է նախարարը։

Տիգրան Խաչատրյանը ներկայացրել է Հայաստանի կառավարության ծրագրի հիմնական թիրախները, մասնավորապես մրցակցության եւ արտադրողականության բարձրացման, որակյալ աշխատատեղերի ստեղծման խնդիրները։ Այս համատեքստում նախարարն ընդգծել է մասնագիտական եւ բարձրագույն կրթության կարեւորության հարցերը։ Նախարարն անդրադարձել է նաեւ ՓՄՁ զարգացման խնդիրներին։

Լոուրենս Մերեդիթը շնորհակալություն է հայտնել նախարարին կարեւոր տեղեկատվության ներկայացման համար եւ նշել այն առաջնահերթ ծրագրերը, որոնք կան օրակարգում։ Եվրոպացի պաշտոնյան նախարարի հետ քննարկել է Հայաստանի արտահանման հնարավորությունները, հեռանկարային ոլորտները եւ թիրախային շուկաները՝ դիտարկելով ԵՄ շուկա մուտք գործելու հեռանկարները։ Կողմերը մտքեր են փոխանակել բարձր տեխնոլոգիաների, վերամշակված գյուղմթերքի, գինեգործության եւ թեթեւ արդյունաբերության ոլորտների զարգացման ներուժի վերաբերյալ։

Տիգրան Խաչատրյանը եւ Լոուրենս Մերեդիթը քննարկել են նաեւ Հայաստանում զբոսաշրջության զարգացման, ենթակառուցվածքների բարելավման հնարավորությունները։

Հանդիպման ընթացքում քննարկվել են նաեւ Հայաստան-ԵՄ ներդրումային համաժողովի կազմակերպչական որոշ հարցեր։

Եվրոպական հանձնաժողովի հարեւանության եւ ընդլայնման բանակցությունների գլխավոր տնօրինության հարեւանության հարցերով տնօրեն Լոուրենս Մերեդիթը շնորհակալություն է հայտնել Տիգրան Խաչատրյանին հանդիպման համար եւ նշել, որ Եվրամիությունը պատրաստակամ է աջակցել Հայաստանին նախաձեռնած բարեփոխումներում։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Պատգամավորները ցանկանում են արգելել ջրառը Սեւանա լճից բացասական հաշվեկշռի առկայության դեպքում
Հայաստանում ցանկանում են լրիվ արգելել ջրառը Սեւանից...
Մթերված 160 հազար տոննա խաղողի մեջ միայն 80 տոնայի դեպքում կա դժգոհություն. Նախարարը կոչ արեց լսել իրար
Հոկտեմբերի 10-ի դրությամբ, ըստ մթերողներից ստացված տվյալների, մոտ 160 հազար տոննա խաղող է մթերվել...
Ներդրումները, այո ցածր են, արդյունքները մեզ չեն բավարարում. Տիգրան Խաչատրյան
Մենք նաեւ չենք համարում, որ 7 տոկոս տնտեսական աճը այն աճն է, որ ՀՀ տնտեսությանը կարող է բնորոշ լինել...
ԱԻՊ–ը կոչ է անում տարածքային կառավարման նախարարությանը՝ չխախտել աշխատողների իրավունքները
Գործատուն իրենց կամքին հակառակ, լուծել է աշխատանքային պայմանագիրը՝ վստահությունը կորցնելու հիմքով...
Հիփոթեքային վարկի դեպքում եկամտային հարկի վերադարձի գործիքը պետք է շարունակել կիրառել. նախարար
Հիփոթեքային վարկի ժամանակ եկամտային հարկի վերադարձի դրույթը մտցնելիս առաջնային չի եղել սոցիալական բաղադրիչը, այլ այն, որ տնտեսությունը խթանվի...
Դոլարի փոխարժեքը նվազել է. եվրոն թանկացել է
Թանկարժեք մետաղների համար բանկի կողմից սահմանվել են հետեւյալ գները...
Ֆոտոռեպորտաժներ