News
Լրահոս
News
Երկուշաբթի
Ապրիլ 22
Տեսնել լրահոսը


Հիվանդության պատճառով կալանավորներին ազատ արձակելու հարցը ես նախաձեռնել էի մինչեւ Մանվել Գրիգորյանի կալանավորումը։ Այս մասին այսօր՝ մարտի 19-ին, լրագրողների հետ զրույցում ասաց արդարադատության նախարար Արտակ Զեյնալյանը՝ խոսելով գեներալ Մանվել Գրիգորյանի ունեցած հիվանդությունների համար նրա պաշտպանների կողմից Մարդու իրավունքների եվրոպական դատարան ներկայացված դիմումի մասին։

«Սա վեճ է, որը բացի գործնական լինելուց նաեւ գիտական վեճ է ՄԻԵԴ–ում։ Կա հիվանդությունների ցանկ, որով տառապող դատապարտյալները պետք է ազատվեն պատժի կրումից, բայց դա չէր տարածվում կալանավորների վրա։ Ես նախաձեռնել եմ ենթաօրենսդրական ակտի փոփոխություն, որպեսզի դա տարածվի նաեւ կալանավորների վրա, անկախ նրանից՝ հարցը բարձրացվում է ՄԻԵԴ–ում, թե ոչ։ Հիվանդության պատճառով կալանավորներին ազատ չարձակելու խնդիրը մեզ մոտ եղել է մինչեւ Մանվել Գրիգորյանի կալանավորումը»,–նշեց նա։

Հիշեցնենք, որ ԱԺ նախկին պատգամավոր, գեներալ Մանվել Գրիգորյանի պաշտպաններն այս հարցով դիմել են Մարդու իրավունքների եվրոպական դատարան. «Մենք ՄԻԵԴ ենք դիմել, որովհետեւ խոշտանգում է տեղի ունենում, երբ նման հիվանդություններ ունեցող անձը գտնվում է կալանքի տակ։ ՄԻԵԴ–ն արագ արձագանքեց, գտավ, որ դիմումը համապատասխանում է դատարանի չափորոշիչներին եւ մեզնից պահանջել է ապացույցներ, որ Մանվել Գրիգորյանը գտնվում է կալանքի տակ եւ ունի մեր մատնանշած ծանր հիվանդությունները։ Մենք այդ փաստաթղթերն ուղարկել ենք»,– նշել է Գրիգորյանի պաշտպաններից Լեւոն Բաղդասարյանը։

Նշենք, որ այս գործով նախաքննության ավարտ է հայտարարվել։ Մանվել Գրիգորյանը մեղադրվում է ապօրինի կերպով զենք-զինամթերք պահելու, 101.232.917 ՀՀ դրամի գույք յուրացնելու, 1.228.176.342 ՀՀ դրամի հարկերի վճարումից խուսափելու, պետական միջոցներից 1.225.003.300 ՀՀ դրամ վատնելու եւ շորթմամբ 37․101․100 ՀՀ դրամ արժողությամբ գույքի հափշտակությունը կազմակերպելու մեջ: Մանվել Գրիգորյանի կալանքի ժամկետը մարտի 15–ին երկարացվել է եւս 2 ամսով։

Տպել
Կարդացեք նաև
Ամբողջը
Մեղրու զորամասում տեղի ունեցած միջադեպի գործով մեղադրանք է առաջադրվել մի շարք զինծառայողների
Զինծառայողներին մեղադրանք է առաջադրվել ՀՀ ՔՕ֊ի 364֊րդ հոդվածի 2֊րդ մասով՝ այն բանի համար, որզինծառայողները հրաժարվել են կատարել զինվորական…
Զինծառայողների բարոյահոգեբանական պատրաստվածության մակարդակը իշխանությունների պատճառով նվազում է. փորձագետ
Նրա խոսքով՝ դա կապված է այն քաղաքական իրավական գործընթացների հետ, որոնք այսօր կատարվում են երկրում...
Զինծառայողին կալանավորեցին ծառայակիցներից մեկին սպանելու, մյուսին վիրավորելու համար
Քննչական կոմիտեն ավելի վաղ տեղեկացրել էր, որ դեպքի առթիվ ՀՀ քրեական օրենսգրքի 34-104-րդ հոդվածի 2-րդ մասի 1-ին կետով հարուցվել է քրեական գործ…
Բանակում մահացության աստիճանը պետք է ամեն կերպ կրճատել, բայց իսպառ վերացնել հնարավոր չէ. Դավիթ Տոնոյան
Զորամասում այնքան էին լկտիացել, որ կանեփ էին աճեցնում…
Ով նման բան է ձեւավորել բանակում, պետք է պատժվի. Սասուն Միքայելյանը՝ Մեղրի զորամասի միջադեպի մասին
Նման բաները պետք է արմատախիլ արվեն բանակից։ Բանակը պետք է զբաղվի իր գործունեությամբ...
«Ժողովուրդ». Մեղրիի զորամաս միջադեպի մասնակիցներից մեկը գեներալ-մայոր Գենադի Տավարածյանի որդին է եղել
Բայց այս պատմության մեջ ուշագրավ է մեկ այլ հանգամանք, զինծառայողներին պատժել են՝ ուղարկելով առաջնագիծ...