Նիդեռլանդների ոստիկանությունը ձերբակալել է Ուտրեխտում հրաձգության մասնակցության մեջ կասկածվող եւս մեկ մարդու, հայտնում է Algemeen Dagblad-ը:
Պարբերականի տեղեկություններով՝ հիմա պարզվում է տեղի ունեցածի մեջ 40-ամյա տղամարդու դերակատարումը:
Երկուշաբթի Ուտրեխտում անհայտ անձը կրակոցներ էր արձակել տրամվայի վրա: Զոհվել էր 3 մարդ, եւս 5-ը տուժել:
Ավելի ուշ ոստիկանները ձերբակալել էին ծագումով Թուրքիայից 37-ամյա Գյոքմեն Թանըշին: Ավտոմեքենայի մեջ, որով նա հանցագործության վայրից փախուստի էր դիմել, գրառում էին գտել: Դատախազությանը վկայակոչելով՝ Dutch News պորտալը հայտնել էր, որ գրառումը թույլ է տալիս ենթադրել միջադեպի ահաբեկչական բնույթի մասին:
Anadolu գործակալությունն իր հերթին հայտնել էր, թե հնարավոր է՝ Թանըշը կրակոցներն արձակել է ընտանեկան խնդիրների պատճառով: