Թուրքական ռազմական կազմավորումները Նախիջեւանի տարածքում ռազմակայանի կարգավիճակ չեն ստանա։ Այս մասին մարտի 20-ին լրագրողների հետ հանդիպմանն ասել է թուրքագետ Կարեն Հովհաննիսյանը։
Նրա խոսքով՝ դա, առաջին հերթին, կապված է Թուքրիայի եւ Ռուսաստանի լավ հարաբերությունների հետ։ «Թուրքիան, ՆԱՏՕ անդամ լինելով, եթե ռազմակայան ստեղծի էլ Նախիջեւանում, ապա դա կանի Հայաստանում ռուսական ռազմակայանին ի հակակշիռ։ Սակայն առաջիկայում դա չի նախատեսվում՝ հաշվի առնելով Մոսկվայի եւ Անկարայի միջեւ երկկողմ հարաբերությունների մակարդակը»,- նշել է նա։
Փորձագետը միաժամանակ կարծում է, որ այդ ուժերը կարող են օգտագործվել ադրբեջանական ԶՈւ-ի կողմից՝ Հայաստանի հետ հակամարտության դեպքում։