News
Լրահոս
News
Երկուշաբթի
Հունիս 17
USD
478.4
EUR
539.06
RUB
7.43
ME-USD
0.15
Տեսնել լրահոսը


Կա կոնսենսուս, որ գրավատների ու փոխանակման կետերի տուրքը պետք է բարձրացվի, խնդիրն այն է, թե ինչքան պետք է բարձրացվի: Այս մասին, այսօր՝ մարտի 20-ին, ԱԺ-ում լրագրողների հետ զրույցում նշեց ԱԺ տնտեսական հարցերի մշտական հանձնաժողովի անդամ, ԱԺ «Իմ քայլը» խմբակցության պատգամավոր Հայկ Գեւորգյանը՝ հավելելով, որ դեռ պետք է լսեն նաեւ մյուս կողմին:

«Այն, ինչ գրավոր ներկայացվել է, թերի է, առնվազն չի բավարարում մեզ: Գուցե հաջորդ հանդիպման ժամանակ կբերեն այնպիսի փաստարկներ, որ կհամոզեն մեզ, բայց գուցե չհամոզեն»,-ասաց նա:

Հայկ Գեւորգյանի խոսքով՝ այս պահին փորձում են գրավատների ներկայացուցիչների հետ հասկանալ, թե որն է տուրքի բարձրացման օպտիմալ չափը, որը կլուծի թե՛ վերահսկողության, թե՛ բյուջե մուտքերի, թե՛ մրցակցության խնդիրը:

«Եթե նայում ենք կոնկրետ մի կետից, օրինակ, որ իրենք վճարում էին 100 հազար, իսկ հիմա վճարելու են 6 մլն ու վերջ, ապա խնդիր է առաջանում։ Բայց պետք է այդ ամենին գլոբալ նայել, քանի որ քննակումների արդյունքում էլ պարզ դարձավ, որ իրենց շրջանառությունն ու եկամտաբերությունը նվազում է։ Սա որպես բիզնես ժամանակի ընթացքում կորցնում է իր մրցունակությունը։ Եթե նույնիսկ տուրքերը զրոյական դառնան, միեւնույն է, առանձին վերցրած փոխանակման կետը չի կարող դիմանալ ավելի համակարգված ցանցային փոխանակման կետերի հետ մրցակցությանը, ինչպիսին «Երեւան Սիթի»-ների կամ «ՍԱՍ»-երի ցանցերն են, բանկերի մասնաճյուղերն են, որովհետեւ վերջիններիս թե՛ աշխարհագրական սփռվածությունն է մեծ, թե՛ մատուցվող ծառայությունների մարժան է փոքր»,- ընդգծեց պատգամավորը:

Նա նշեց, որ ԱԺ տնտեսական հարցերի հանձնաժողովի կողմից արդեն հարցումներ ուղարկել՝ որոշ վիճակագրական տվյալներ ստանալու ակնկալիքով, որը կօգնի ավելի օբյեկտիվ պատկեր ունենալ:

Նշենք, որ կառավարությունն առաջարկում է փոփոխություններ կատարել «Պետական տուրքի մասին» ՀՀ օրենքում, ըստ որոնց 60 անգամ, այն է՝ 6000 տոկոսով, ավելացվելու է նշյալ ոլորտների պետական տուրքը․ գրավատների համար ներկայիս 100 000 դրամի փոխարեն սահմանվելու է 6 մլն, փոխանակման կետերի համար՝ 50 000-ի փոխարեն 3 մլն դրամ պետական տուրք:

Տպել
Կարդացեք նաև
Ամբողջը
Տիգրան Ավինյանը խորհրդակցություն է անցկացրել Երևանի կառուցապատման ծրագրերի վերաբերյալ
Շահագրգիռ մարմինների ներկայացուցիչները հայտնել են իրենց մոտեցումները նախագծերի տարբեր ասպեկտների վերաբերյալ…
Գույքահարկը կբարձրանա. «Խոցելի է, որ նախագիծը տարածվելու է նաեւ մարզերի վրա»
Միանգամայն արդարացված համարելով այս ոլորտում իրականացվող բարեփոխումները՝ այս ձեւաչափով նախագծի ընդունումն անընդունելի կլինի հասարակության լայն շերտերի համար...
«Փաստ». Պուտինի՝ ՀՀ այցի ժամանակ քննարկվելու է ներկրվող ավտոմեքենաների մաքսատուրքի հարցը. այն կարող է չբարձրանալ
Հասկանալի է նաեւ, որ սա ժամանակավոր բնույթ է կրում, առավել եւս, որ արդեն իսկ...
«Երկիր եմ ազատագրել, որ էսօրվա օրով գնամ, վիզս ծռեմ ասեմ՝ պարտքով հաց կտա՞ք». ազատամարտիկ
Շուրջ 7 տարի է՝ մի բանկից վերցնում, մյուս բանկի բերանն եմ փակում…
Եկամտահարկի համահարթեցման եւ շահութահարկի նվազեցման հետեւանքով կորուստները գնահատվում են ՀՆԱ-ի 0,7 տոկոս. Ֆիննախ
Օրինագիծը ֆիսկալ ռիսկեր չի ստեղծի…
Հայաստանում առաջադեմ հարկային մոդելին այլընտրանքներ չկան. ֆինանսների փոխնախարար
Մենք երկար տարիներ ունեինք հարկման առաջադեմ սանդղակ, բայց իրականությունը միանգամայն այլ է…