Նոր Զելանդիայի ոստիկանության ղեկավար Մայք Բուշը հայտարարել է, որ Քրայսթչերչում հրաձգության բոլոր 50 զոհերը նույնականացվել են, հայտնում է Radio News Zealand-ը:
Ավելի վաղ հաղորդվել էր հարձակումների հետեւանքով 21 զոհի անձի հաստատման մասին: Նրանց մարմինները փոխանցվել են ընտանիքներին:
«Բոլոր 50 զոհերի նույնականացման գործընթացն ավարտվել է, եւ նրանց մերձավոր հարազատները տեղեկացվել են»,- հայտարարել է Բուշը:
Հիշեցնենք, որ անցած ուրբաթ Նոր Զելանդիայում Քրայսթչերչի 2 մզկիթներում տեղի էր ունեցել հրաձգություն, որի հետեւանքով զոհվել էր 50 մարդ, եւս 50-ը՝ տուժել: Նոր Զելանդիայի վարչապետ Ջասինդա Արդերնը տեղի ունեցածը ահաբեկչություն էր անվանել: Մեկ մարդու՝ 28-ամյա Բրենթոն Տարանտին սպանության մեղադրանք էր առաջադրվել, շաբաթ դատարանը նրա կալանքի ժամկետը երկարացրել էր մինչեւ ապրիլի 5-ը:
