Բրազիլիայում կալանավորվել է նախկին նախագահ Միշել Տեմերը, որն անցնում է կոռուպցիայի վերաբերյալ մի քանի գործերով: Նրա փաստաբանը հաստատել է կալանքը:
Կալանքի կարգադրագիրը տրվել է դատավոր Մարսելո Բրայթասը, որը ղեկավարում է կոռուպցիայի վերաբերյալ խոշոր հետաքննությունը: Այն կապված է քաղաքական գործիչներին եւ պետական պաշտոնյաներին տրված կաշառքների հետ:
2014-ին հետաքննության սկվելու պահից այն հանգեցրեց առաջատար գործարարների եւ քաղաքական գործիչների բանտարկմանը, այդ թվում նախկին նախագահ Լուիս Ինասիու Լուլա դա Սիլվայի:
Տեմերը կալանավորվել է Angra 3 ատոմային էլեկտրակայանի շինարարության ժամանակ կաշառակերության գործով քննության շրջանակում, հաղորդում է Reuters-ը:
Տեմերը Բրազիլիայի նախագահ է եղել 2016-2018 թվականներին՝ պաշտոնը ստանձնելով Դիլմա Ռուսեֆի իմպիչմենտից հետո, որի վարչակազմում նա 6 տարի փոխնախագահի պաշտոն էր զբաղեցնում:
Տեմերը բազմիցս հերքել է բոլոր իրավախախտումները:
