Ամեն տարի մարտի 22-ին աշխարհում նշվում է Ջրային պաշարների համաշխարհային օրը: Այն անցկացնելու գաղափարն առաջին անգամ հնչել է ՄԱԿ շրջակա միջավայրի պահպանության եւ զարգացման համաժողովում, որը տեղի է ունեցել 1992 թվականին Ռիո դե Ժանեյրոյում:
Չնայած Երկրի մակերեւույթի 70 տոկոսը ծածկված է ջրով, դրա 97,5 տոկոսն աղի է: Մնացյալ 2,5 տոկոս քաղցրահամ ջրի գրեթե 68,7 տոկոսը սառած ջուրն է: Միայն 1 տոկոսն է հասանելի մարդու օգտագործմանը: Այսօրվա դրությամբ ավելի քան 663 միլիոն մարդ իր բնակավայրի մերձավորությամբ խմելու ջուր չունի: