Տեխասում հավատարիմ շունն ընտանիքին փրկել է՝ հարձակվելով հրաձիգի վրա, որը կրակ է բացել 13-ամյա աղջկա տարեդարձի առիթով երեկույթում:
USA.one-ը հայտնում է, որ շունը, ցավոք, զոհվել է հրազենային վիրավորման հետեւանքով: Միջադեպը տեղի է ունեցել Հյուսթոնում: Լոռա Մարթինեսը պատմել է, որ տանը եւ բակում նշում էին իր կրտսեր դստեր ծննդյան օրը, երբ ներխուժել է ընտանիքին ծանոթ դեռահասը: Տղան անսպասելի կրակ է բացել հյուրերի վրա՝ ոստիկանաության տեղեկություններով կատարելով 8 կրակոց: Ինքը՝ Լոռան ոտքից էր վիրավորվել, նրա որդին՝ Թեյլորը, նույնպես ոտքից, խորթ դուստրը՝ Վալերի Փեյսը, մեջքից եւ ազդրից:
Լոռայի կարծիքով՝ իրենք փրկվել են Զերոյի՝ լեռնային պիրենեյան ցեղատեսակի շան շնորհիվ: Զերոն անմիջապես նետվել է հրաձիգի վրա՝ կառչելով նրա ձեռքից: Դեռահասը կրակել էր շան վրա, բայց նա շարունակել է ընտանիքին պաշտպանել՝ նրան գետնին գցելով: Այդ ժամանակ շունը եւս երկու փամփուշտ է ստացել եւ ավելի ուշ սատկել ստացած վերքերի հետեւանքով:
Միջադեպից հետո հաձիգը մեկ շաբաթից ավելի փախուստի մեջ էր, բայց երեկ ոստիկանությունից հայտնել են, որ կասկածյալը ձերբակալվել է:
