News
Լրահոս
News
Երկուշաբթի
Սեպտեմբեր 16
USD
476.16
EUR
526.54
RUB
7.43
ME-USD
0.1
Տեսնել լրահոսը

Մարտի 21-ին Վիլնյուսում տեղի ունեցավ Արեւելյան գործընկերության տասնամյակին նվիրված «Արեւելյան գործընկերության տասնամյակը․ ի՞նչ է տեղի ունեցել եւ ի՞նչ է սպասվում» խորագրով համաժողովը, որին մասնակցեց եւ որպես բանախոս ելույթ ունեցավ Լիտվայում ՀՀ դեսպան Տիգրան Մկրտչյանը։

ԱԳՆ-ից NEWS.am-ին հայտնում են, որ Լիտվայի եւ Ռումինիայի արտաքին գործերի նախարարությունների նախաձեռնությամբ կազմակերպված համաժողովին ողջույնի խոսքով հանդես եկավ Լիտվայի արտաքին գործերի նախարար Լինաս Լինկյավիչյուսը (Linas Linkevičius), ով անդրադարձ կատարեց տասը տարիների ընթացքում Արեւելյան գործընկերության հիմնական ձեռքբերումներին` վերահաստատելով Լիտվայի պատրաստակամությունն աջակցելու ԱլԳ անդամ երկրներում տեղի ունեցող բարեփոխումներին։

Համաժողովի առաջին մասում ելույթ ունեցավ Լիտվայում ՀՀ դեսպան Տիգրան Մկրտչյանը, ով անդրադարձավ Արեւելյան գործընկերության շրջանակներում ԵՄ-ի հետ համագործակցության հեռանկարներին, կարեւորեց ԵՄ եւ մասնավորապես ԱլԳ գործիքակազմի ընձեռած հնարավորությունների դերը Հայաստանում տարբեր ոլորտներում բարեփոխումների իրականացման հարցում։

Կարեւորելով ԵՄ հետ մուտքի արտոնագրերի ազատականացման գործընթացի մեկնարկը՝ դեսպան Մկրտչյանը հույս հայտնեց, որ Հայաստանի կողմից մեծ թափով իրականացող բարեփոխումների օրակարգն իր դրական ազդեցությունը կունենա այս հարցում։ Դեսպանն ընդգծեց, որ Լիտվան եւ բալթյան մյուս երկրները միանշանակ աջակցում են Հայաստանին այս հարցում։

Տիգրան Մկրտչյանը ներկայացրեց նաեւ ՀՀ-ԵՄ միջեւ ստորագրված Համապարփակ եւ ընդլայնված գործընկերության համաձայնագիրը՝ այն համարելով որպես ԱլԳ շրջանակներում կարեւոր ձեռքբերում։ Դեսպանն իր շնորհակալությունը հայտնեց բալթյան երեք երկրների ներկայացուցիչներին համաձայնագիրն առաջինը վավերացնելու համար՝ ընդգծելով ԵՄ անդամ բոլոր երկրների կողմից փաստաթղթի վավերացման կարեւորությունը։

Եվրոպական Միության խորհրդում Ռումինիայի նախագահության շրջանակներում համաժողողվին ելույթ ունեցավ նաեւ Ռումինիայի ԱԳՆ գլխավոր քարտուղար Դանութ Նիկուլաեսկուն (Dănuț Neculăescu), ով, ներկայացնելով ԵՄ խորհրդում Ռումինիայի առաջնահերությունները, ընդգծեց Արեւելյան գործընկերության կարեւորությունը՝ որպես ԱլԳ մասնակից երկրների համար Եվրամիության եւ անդամ պետությունների հետ համագործակցություն ծավալելու հարթակի՝ դրվատանքով խոսեց Հայաստանում տեղի ունեցած ժողովրդավարական գործընթացների եւ վարչապետ Փաշինյանի կառավարության կողմից իրականացվող բարեփոխումների մասին։

Համաժողովին ելույթներ ունեցան նաեւ ԱլԳ անդամ երկրներից Ուկրաինայի, Մոլոդովայի եւ Վրաստանի, ինչպես նաեւ ԵՄ քաղաքացիական հասարակության եւ փորձագիտական շրջանակների ներկայացուցիչներ:

!
Այս նյութը հասանելի է նաև   English
Տպել
Կարդացեք նաև
Ամբողջը
Եվրախորհրդարանն Էրդողանին կոչ է արել դադարեցնել բռնաճնշումները թուրքական ընդդիմության հանդեպ
Եվրախորհրդարանը բաց նամակ է հղել Թուրքիայի նախագահին...
ԵՄ-ը խորին մտահոգություն է հայտնել միջուկային գործարքից Իրանի նոր նահանջի կապակցությամբ
Կողմերը մտավախություն ունեն, որ ԳՀՀԾ-ն կշարունակի փլուզվել ...
Երևանում տեղի է ունեցել ՀՀ-ԵՄ Մուտքի արտոնագրերի դյուրացման հարցերով համատեղ կոմիտեի 5-րդ նիստը
Կողմերն ընդգծել են ՀՀ-ԵՄ Մուտքի արտոնագրերի դյուրացման մասին համաձայնագրի կիրարկման գործընթացում գրանցված առաջընթացը և քննարկել են հետագա քայլերը…
Զոհրաբ Մնացականյանը ԵՄ պատվիրակության նոր ղեկավարին ներկայացրել է ՀՀ բարեփոխումների հավակնոտ օրակարգը
Զոհրաբ Մնացականյանն ընդունեց Հայաստանում ԵՄ պատվիրակության նորանշանակ ղեկավար, դեսպան Անդրեա Վիկտորինին...
Ֆրանսիան ԵՄ-ին կոչ է արել ընդհանուր կանոններ մտցնել վիրտուալ արժույթի կառավարման համար
Նա կրկին հայտարարել է, որ դեմ է ԵՄ-ում Facebook Libra կրիպտոարժույթի հայտնվելուն...
Եվրախորհրդարանը հանդես կգա Brexit-ը տեղափոխելու օգտին, եթե դա կանխի առանց գործարքի Բրիտանիայի դուրս գալը
Կամ պահանջվի բրիտանական խորհրդարանի ընտրությունների անցկացման համար…