Ես էլ եմ դժգոհ իրավապահ մարմինների, հատկապես ԱԱԾ աշխատանքից, որովհետեւ այո, այն տեմպը եւ այն աշխատանքները, որոնք մենք իրականացրել ենք մեր գործունեության սկզբնական շրջանում, իհարկե, տեսնում ենք որոշակի նվազում կա: Այս մասին, այսօր՝ մարտի 22-ին, ԱԺ-ում լրագրողների հետ զրույցում նշեց ԱԱԾ տնօրեն Արթուր Վանեցյանը՝ անդրադառնալով ՀՀ վարչապետի հայտարարությանը, թե դժգոհ է իրավապահ մարմիններից կոռուպցիայի դեմ պայքարի հարցում, որ նրանք քիչ ժամանակ ունեն ապացուցելու, որ իսկապես արդյունավետ են աշխատում:
Հարցին, թե ինչու նոր բացահայտումներ չկան, Վանեցյանը պատասխանեց. «Իսկ եթե ավելի լուրջ, դա բացատրվում է նրանով, որ իրավական հիմքերը պետք է լինեն շատ ամուր, որպեսզի մեր կատարած որեւէ գործ հետագայում հնարավոր չլինի շահարկել, բողոքարկել եւ ասել, որ մենք գործել ենք քմահաճույքով: Մենք գործում ենք միայն օրենքով եւ փորձում ենք անել ամեն ինչ, որ օրենքի բոլոր պահանջները պահպանվեն:
Այո, աշխատանքներ իրականացվում են եւ ես կարծում եմ, որ կլինեն եւս մեծ հնչեղ բացահայտումներ»:
