Գաղտնալսման իրավունքը ԱԱԾ-ինը չէ, գաղտնալսում իրականացնում են նաեւ այլ մարմիններ, ուղղակի կապուղիները ԱԱԾ-ն է տրամադրում: Այս մասին, այսօր՝ մարտի 22-ին, ԱԺ-ում լրագրողների հետ զրույցում նշեց ԱԱԾ տնօրեն Արթուր Վանեցյանը՝ անդրադառնալով «Իմ քայլը» խմբակցության պատգամավոր, ՃՈ պետի նախկին տեղակալ Արմեն Խաչատրյանի նախաձեռնությանը, որով առաջարկվում է ոստիկանությանը գաղտնալսելու հնարավորություն տալ:
Վանեցյանի խոսքով, ԱԱԾ-ի այդ լիազորությունը ճիշտ է եւ պետք է պահպանվի. «ԱԺ-ում կքննարկվի այդ նախաձեռնությունը եւ եթե կդառնա օրենք, մենք պարտավոր կլինենք ենթարկվել»,-ասաց նա:
