News
Լրահոս
News
Ուրբաթ
Ապրիլ 19
Տեսնել լրահոսը

ՄԱԿ Մարդու իրավունքների խորհուրդը դատապարտել է Իսրայելի կողմից Գազայում խաղաղ ցուցարարների դեմ «միտումնավոր անօրինական մահաբեր եւ այլ ուժերի» օգտագործումը եւ կոչ է արել պատասխանատվության ենթարկել բոլոր մեղավորներին, տեղեկացնում է Reuters-ը։

Խորհուրդն ընդունել է համապատասխան բանաձեւ, որն առաջարկել է Պակիստանը Իսլամական կոնֆերանս կազմակերպության անունից։ Բանաձեւն ընդունվել է 23 կողմ, 8 դեմ, 15 ձեռնպահ ձայնով։

Խոսքը պաղեստինցիների մասին է, որոնք սպանվել են իսրայելցի դիպուկահարների կողմից Գազայի հատվածում եւ Իսրայելում, անցած տարի բողոքի ցույցերի ժամանակ։ ՄԱԿ տվյալներով՝ սպանվել է 189 պաղեստինցի, 6100 հարյուրը վիրավորվել է։

ԱՄՆ-ը չի մասնակցել քվեարկությանը

ԱՄՆ-ը դուրս է եկել ՄԱԿ Մարդու իրավունքների խորհրդից  անցած տարի։ Վաշինգտոնը ՄԻԽ-ին մեղադրել է ԱՄՆ-ի եւ Իսրայելի հանդեպ աչառու վերաբերմունքի մեջ։ Սպիտակ տան ազգային անվտանգության գծով խորհրդական Ջոն Բոլթոնը Fox News-ին անցած տարվա հունիսին տված հարցազրույցում ասել է, որ Վաշինգտոնը ՄԱԿ կամ այլ միջազգային կազմակերպությունների խորհուրդների կարիքը չունի։

Հիմնավորելով ԱՄՆ դուրս գալը՝ պետքարտուղար Մայք Պոմպեոն ասել է, որ ՄԱԿ Մարդու իրավունքների խորհուրդը դարձել է «անամոթ կեղծավորության դրսեւորում. մարդու իրավունքների ամենավատ խախտումներից շատերն անտեսվել են, իսկ ամենալուրջ խախտողները նստած են Խորհրդում»։ «Երբ կազմակերպությունները խափանում են մեր ազգային շահերը եւ մեր դաշնակիցների շահերը, մենք չենք ցանկանում համամասնակից լինել։ Երբ նրանք փորձում են ոտնահարել ազգային ինքնիշխանությունը, մենք չենք լռի»,- ասել է Պոմպեոն։ Նրա խոսքով՝ Միացյալ Նահանգները դասախոսություններ չի լսի «կեղծավոր մարմիններից եւ ինստիտուտներից»։

ԱՄՆ դեսպանության տեղափոխումը Երուսաղեմ եւ պաղեստինցիների զոհվելը

Անցած տարի ԱՄՆ-ը իր դեսպանությունը Թել Ավիվից տեղափոխեց Երուսաղեմ այն բանից հետո, երբ Դոնալդ Թրամփը այն ճանաչեց Իսրայելի մայրաքաղաք։ Դեսպանատան բացումը տեղի ունեցավ Գազայի հատվածում բողոքի ցույցերի ֆոնին։ Միայն մեկ օրում (2018-ի մայիսի 15) զոհվեց ավելի քան 60 պաղեստինցի, ավելի քան 2000-ը վիրավորվեց։

Իսրայելի վարչապետ Բենիամին Նեթանյահուն զինվորականների գործողություններն անվանեց ինքնապաշտպանություն ՀԱՄԱՍ արմատական խմբավորումից, որը վերահսկում է Գազան եւ նպատակ է հայտարարել Իսրայելի ոչնչացումը։

Ինչպես հիշեցնում է BBC-ն, ԱՄՆ-ը արգելափակել է Քուվեյթի առաջարկած՝ ՄԱԿ ԱԽ բանաձեւի նախագիծը, որով դատապարտվել է տեղի ունեցածը եւ պահանջվել բախումների անկախ հետաքննություն անցկացնել։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Իսրայելի զորքերը շրջափակել են Պաղեստինի մայրաքաղաքը
Ներկա պահին մենք վերահսկում ենք Ռամալլահի մուտքերն ու ելքերը…
ՀԱՄԱՍ-ի հետ զինադադարը կապիտուլյացիա է. Լիբերման
Նա դրա փոխարեն՝ կնախընտրեր Գազայի հատվածին ավիահարվածներ հասնել…
ՀԱՄԱՍ–ում Լիբերմանի հրաժարականը Իսրայելի պարտության և անզորության ընդունում են համարում
Չորեքշաբթի Լիբերմանը հայտարարել է իր հրաժարականի մասին...
ՀԱՄԱՍ-ից սպառնացել են Իսրայելի բնակելի շենքերը գնդակոծել
Գազայի հատվածում ռազմական գործողության շարունակման դեպքում գնդակոծության կենթարկվեն Իսրայելում բնակելի շենքերը…
Իսրայելական բանակը ՀԱՄԱՍ-ի կենտրոնակայանի ոչնչացման հոլովակ է ցուցադրել
ՀԱՄԱՍ-ի անդամները ոչնչացված շենքում հետախուզական տվյալներ էին հավաքում իսրայելցիների վրա հարձակման իրականացման համար…
Իրավիճակի կտրուկ սրում՝ Իսրայելի սահմանին եւ Գազայի հատվածում
Գազայի հատվածում զինյալների հետ կրակոցների ժամանակ զոհվել է Իսրայելի պաշտպանության բանակի հատուկ ստորաբաժանման փոխգնդապետ...