News
Լրահոս
News
Հինգշաբթի
Օգոստոս 22
USD
475.94
EUR
528.1
RUB
7.2
ME-USD
0.13
Տեսնել լրահոսը

Գոլանի բարձունքները սիրիական  տարածք է՝ օկուպացված Իսրայելի կողմից: Այս մասին հայտարարել է Գերմանիայի  կառավարության ներկայացուցիչ Ուլրիկե Դեմմերը` մեկնաբանելով ԱՄՆ նախագահ Դոնալդ Թրամփի՝ Գոլանի նկատմամբ Իսրայելի ինքնիշխանությունը ճանաչելու մասին հայտարարությունը, հաղորդում է Reuters-ը:

«Եթե պետք է փոխել ազգային սահմանները, դա պետք է արվի խաղաղ ճանապարհով` բոլոր կողմերի մասնակցությամբ: Գերմանիայի կառավարությունը մերժում է միակողմանի քայլերը», - ասել է  նա:

Ավելի վաղ հաղորդվել էր, որ ԱՄՆ նախագահ Դոնալդ Թրամփը հայտարարել է Գոլանի նկատմամբ Իսրայելի ինքնիշխանությունը ճանաչելու անհրաժեշտության մասին:

««52 տարի անց եկել է ժամանակը, որպեսզի ԱՄՆ-ն  ճանաչի Գոլանի բարձունքների նկատմամբ Իսրայելի ինքնիշխանությունը, ինչը ծայրահեղ կարեւոր ռազմավարական նշանակություն ունի Իսրայել պետության անվտանգության եւ տարածաշրջանային կայունության համար»,- Twitter-ում գրել է ԱՄՆ նախագահը:

Գոլանի բարձունքները Մերձավոր Արեւելքում վիճելի տարածք է: Դրա մեծ մասը ներկայումս վերահսկում է Իսրայելը, իսկ արեւելյան հատվածը՝ Սիրիան: Ինչպես Իսրայելը, այնպես էլ Սիրիան Գոլանի բարձունքները համարում են իրենց տարածքի մասը: 1944-1967 թվականներին Գոլանի բարձունքները եղել են Սիրիայի Կունեյտրա նահանգի կազմում: Արեւմտյան հատվածը (տարածքի երկու երրորդը) 1967 թ. հունիսին վեցօրյա պատերազմում գրավվել է Իսրայելի կողմից:

!
Այս նյութը հասանելի է նաև   English and Русский
Տպել