Ջերմաստիճանի նվազումը դարձավ ոչ մեծ արտադրական դադարի պատճառ, ինչը կարելի է գնահատել որպես դրական երեւույթ: NEWS.am-ի հետ զրույցում այսպիսի կարծիք հայտնեց գյուղատնտեսության փոխնախարար Գառնիկ Պետրոսյանը:
Փոխնախարարի խոսքով՝ ցածր ջերմաստիճանները նպաստում են, որ ծաղկումը տեղի ունենա դանդաղ, իսկ դա, իր հերթին, կարող է նվազեցնել բույսերի հնարավոր ցրտահարման վտանգը: Անդրադառնալով գարնանային դաշտային աշխատանքներին՝ փոխնախարարը նշեց, որ Արարատյան դաշտավայրում այն արդեն սկսվել է: