News
Լրահոս
News
Հինգշաբթի
Ապրիլ 18
Տեսնել լրահոսը

Եվրամիության հետ վիզաների ազատականացման հարցում Հայաստանը գրեթե ոչ մի գլխացավանք չի ներկայացնում եվրոպական երկրների համար։ Այս մասին այսօր՝ մարտի 22-ին, լրագրողների հետ զրույցում ասաց ՀՀ արտաքին գործերի նախարարի տեղակալ Ավետ Ադոնցը։

«Վիզաների ազատականացման գործընթացը շարունակական գործընթաց է, վիզաները օրակարգային հարց է ոչ միայն Բրյուսելի հետ, այլ բոլոր 28 մայրաքաղաքների հետ, բոլորի հետ մենք խորհրդատվությունների գործընթացում ենք գտնվում։ Շատերի հետ համաձայն ենք, շատերի հետ համաձայն չենք, որովհետեւ վիզաներն ազատականացվել են ԵՄ մի շարք գործընկերների համար, ինչպես օրինակ՝ Վրաստանը, Ուկրաինան, եւ ԵՄ անդամ երկրներն այդքան էլ գոհ չեն այդ ազատականացման արդյունքներից, մենք դրա հետ իսկապես համաձայն չենք, եւ դամեզ համար որեւէ հիմք մեր աշխատանքում չի ծառայում եւ իրենց համար նույնպես»,–նշեց նա։

ԱԳ փոխնախարարի խոսքով՝ ի տարբերություն Վրաստանի, Մոլդովայի ու Ուկրաինայի՝ վիճակագրական առումով Հայաստանի խնդիրներն տասնյակ անգամներ ավելի քիչ են. «Ինչ վերաբերում է արդեն ազատ մուտք ունեցող նոր երկրներին՝ Վրաստանին, Մոլդովային ու Ուկրաինային, ապա կարող եմ ասել, որ վիճակագրական առումով տասնյակ անգամներ մեր խնդիրներն ավելի քիչ են եւ գրեթե որեւէ գլխացավանք չունենք եվրոպական երկրների համար»։

Հիշեցնենք, որ 2014 թվականից ՀՀ քաղաքացիների համար ազատականացվել էր ԵՄ կարճատեւ վիզաների տրամադրումը։ Վիզայի տուրքերը նվազեցրել էին 60-ից մինչեւ 35 եվրո, իսկ քաղաքացիների որոշակի խմբի համար (գիտնականներ, ուսանողներ, ստեղծագործական կոլեկտիվներ եւ այլն)` ընդհանրապես չեղյալ հայտարարվել։ ԵՄ քաղաքացիները 2013 թվականից Հայաստան են այցելում առանց վիզայի։ ՀՀ կառավարությունը արդեն մի քանի տարի է՝  բանակցում է ԵՄ–ի հետ դեպի եվրոպական երկրներ վիզաների ազատականացման համար։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ԵՄ-ն չունի այլ ընտրություն, բացի ներկրվող ամերիկյան ապրանքների համար տուրքերի սահմանման սպառնալիքը
Ինչպես տեղեկացվել էր նախկինում, Եվրամիությունը պատրաստել է ապրանքների ցուցակ, որոնց վրա կարող են տուրքեր սահմանվել․․․
ԵՄ-ն վրդովված է Կուբայի հարցով ԱՄՆ որոշումից
ԵՄ-ն նախազգուշացրել է, որ կարող է վերականգնել այդ հարցով գործը Առեւտրի համաշխարհային կազմակերպությունում․․․
Մենք եվրոպացիներս միմյանց հասկանում ենք ընդհանուր արժեքների շնորհիվ․ ՀՀ-ում ԵՄ դեսպան
Հայաստանի թատերական գործիչների միությունը եւ ԵՄ պատվիրակությունը միասին ներկայացրել են «Կոմեդիա Պիրամի եւ Ֆիսբայի մասին» բեմադրությունը․․․
ԵՄ-ն պատրաստվում է ամերիկյան ապրանքների համար տուրքեր սահմանել
Խորհրդակցությունները կշարունակվեն մինչեւ 2019թ․ մայիսի 31-ը․․․
ԵՄ-ը կպաշտպանի իր շահերը Կուբայում
ԵՄ-ը եվրոպական ընկերությունների շահերը կպաշտպանի Կուբայում...
ԵՄ-ն Վաշինգտոնին զգուշացրել է Կուբայի վերաբերյալ որոշման հետեւանքների մասին
Հակառակ դեպքում ԵՄ-ն ստիպված կլինի սեփական շահերը պաշտպանելու համար օգտագործել իր տրամադրության տակ եղած բոլոր միջոցները…