News
Լրահոս
News
Երեքշաբթի
Մարտ 19
Տեսնել լրահոսը

Բրիտանացի հնագետները Նորթումբերլենդում բրիտանական փաբի տակ հնագույն գերեզմանում պեղել են կայծքարե դանակ, որը նրանք կատակով «բրոնզե դարի այֆոն» են անվանել, հայտնում է Mirror-ը: 

Գտածոն հայտնաբերվել է 4 հազար տարի առաջ մահացած կնոջ մասունքներով գերեզմանի մեջ: Նոր դրենաժային ջրանցք փորելու ժամանակ բանվորները հայտնաբերել են քարե սալի հսկա բեկոր, որի մեջ էլ հայտնաբերվել է արժեքավոր գտածոն:

Հնագետ Ռոջեր Միքեթը հայտարարել է, որ դանակը դեռեւս սուր է եւ կարեւոր բազմագործառնական զենք էր:

«Եթե համեմատենք մեր օրերի հետ, այն (դանակը) իր արժեքով հավասար է վերջին մոդելի այֆոնին: Եթե հիմա ձեր տունը հրդեհվի, դուք առաջին հերթին կվերցնեք այֆոնը, իսկ այդ ժամանակ դանակն են վերցրել»,- ասել է փորձագետը:

!
Այս նյութը հասանելի է նաև   Русский
Տպել
Ամենաշատ