Սմարթֆոնի պաշտապանության համար ձեր օգտագործած գաղտնաբառի երկարությունը եւ բարդությունը ոչ մի նշանակություն չունի, եթե չարամիտները, որոնք պատրաստվում են գողանալ ձեր անհատական տվյալները, հասանելիություն ունեն բջջային հեռախոսները կոտրելու նորագույն տեխնոլոգիաներին, հայտնում է Planet Today-ը՝ վկայակոչելով տեղեկատվական անվտանգության ոլորտի փորձագետներին:
Շտուտգարտի համալսարանից հետազոտողները, ինչպես նաեւ Մյունխենի Լյուդվիգ Մաքսիմիլիանի համալսարանի գիտնականները հետաքրքիր փորձ են անցկացրել, որի շրջանակում սմարթֆոնները կոտրել են ջերմատեսասարքի միջոցով:
Պարզվել է, որ բջջային սարքի էկրանին, որի վրայով մատներն անցել են գաղտնաբառը նշելու համար, ջերմային հետք է մնում:
Եթե PIN-գաղտնաբառը մտցրել եք, ապա ջերմային հետքը մնում է մոտ 15 վայրկյան, իսկ եթե խոսքը գրաֆիկական բանալու մասին է, ապա ջերմային հետքը կարելի է կարդալ նաեւ 30 վայրկյան հետո:
Գերմանացի գիտնականների անցկացրած փորձը ցույց է տվել, որ ջերմատեսասարքի կիրառումը թույլ է տալիս սմարթֆոնը «կոտրել» 10-ից 9 դեպքում: Եթե, իհարկե, ջերմային հետքը չի հասցրել անհետանալ: Այս սպառնալիքից պաշտպանվելու համար անհրաժեշտ է պահպանել էկրանի պայծառությունը առավելագույն աստիճանի վրա կամ գաղտնաբառը գրելուց հետո էկրանին մատներով պատահական շարժումներ կատարել:
Մասնագետները խորհուրդ են տալիս չօգտվել գրաֆիկական բանալուց, քանի որ այս միջոցը խոցելի է կոտրելու նորագույն տեխնոլոգիաների համար: Օրինակ՝ գրաֆիկական բանալին կարելի է հավաքել՝ այն մտցնող ձեռքի շարժումների տեսանյութը վերլուծելով: