Անգլուհի Բեթան Գեսքինը մահացել է բիսկվիտային կարկանդակների մրցույթին մասնակցելուց հետո, հայտնում է Daily Mail-ը:
Միջադեպը տեղի է ունեցել փետրվարի 22-ին Լինքոլշիր կոմսության Բուրն քաղաքում: 24-ամյա աղջիկը ընկերուհու հետ երեկույթի է մասնակցել եւ որոշել է մասնակցել ֆուդ-չելենջին: Փորձության կանոններով՝ մասնակիցները պետք է բերանի մեջ տեղավորեին հնարավորինս շատ կլոր բիսկվիտային կարկանդակներ:
Մրցույթի ժամանակ ուտելիքը փակել է Գեսքինի շնչուղիները, նա հազացել է եւ գիտակցությունը կորցրել: Ընկերները աղջկան հիվանդանոց են տեղափոխել, որտեղ նա մահացել է՝ 5 օր մնալով արհեստական կոմայի մեջ: Մահվան պատճառը սրտի նոպան էր եւ ուղեղի ծավալուն վնասումը: Նա ուներ 3 տարեկան դուստր:
Մահացածի մայրը՝ Միշել Գեսքինը, մարդկանց զգուշացրել է ֆուդ-չելենջի հետ կապված վտանգների մասին: Նա հայտարարել է, որ մեծ թվով արձագանքներ է ստացել այն մասին, որ ամբողջ աշխարհում երիտասարդները մասնակցում են համանման փորձությունների մարշմելոուով: