News
Լրահոս
News
Երեքշաբթի
Մարտ 19
Տեսնել լրահոսը

Դատավոր Ալեքսանդր Ազարյանի որոշմամբ Ռոբերտ Քոչարյանին կալանքից ազատելու որոշումից 4 օր անց հրապարակում վարչապետի կողմից հնչած ատելության խոսքը որքան ուղղված էր դատավոր Ազարյանին, նույնքան էլ վճռաբեկ դատարանի մյուս դատավորներին, որոնք պետք է քննեին դատախազի բողոքը պարոն Ազարյանի որոշման դեմ: Այս մասին այսօր՝ մարտի 23-ին, լրագրողների հետ հանդիպման ժամանակ նշել է ՀՀ երկրորդ նախագահ Ռոբերտ Քոչարյանի պաշտպան Հայկ Ալումյանը:

Նրա խոսքով, այդ ամենը չէր կարող չազդել Ազարյանի վրա. «Պատկերացնում եք, ժողովրդին ասում են՝ էս մարդը թշնամի է, որովհետեւ ազատ է արձակել պարոն Քոչարյանին: Եվ այդ ասողը այդքան մեծ հեղինակություն է վայելում բնակչության մոտ»:

Դիտարկմանը, որ ժամանակին իշխանությունների կամքը չկատարելու համար, օրինակ դատավոր Պարգեւ Օհանյանը զրկվեց աշխատանքից, արդյոք Ալեքսանդր Ազարյանի դեպքում՝ եղել է նման բան, Ալումյանը պատասխանեց. «Ես չեմ կարող դա մեկնաբանել՝ եղել է, թե ոչ, բայց այն ատելության խոսքը համացանցում, որ կար, դրանից մեծ ճնշում հնարավո՞ր է պատկերացնել: Ո՞նց կարելի է այդ ճնշումներն իշխանությունը տեսնի ու ոչինչ չձեռնարկի:

ԲԴԽ-ն ոչինչ չձեռնարկեց, իշխանությունները, իրավապահ մարմինները, որ պարտավոր էին քրեական գործ հարուցել, ոչինչ չարեցին: Սա պարզ մեսիջ էր Վճռաբեկ դատարանին, որ նույնը կլինի ձեր հասցեին, եթե դուք կանեք նույնը, ինչ պարոն Ազարյանը»,-ասաց Ալումյանը:

Նրա խոսքով, իշխանությունն առնվազն պարտավոր էր դատավորին պաշտպանել նման հարձակումներից. «Առնվազն այդ անգործությունը նրանց խղճի վրա է»:

Անդրադառնալով դիտարկմանը, որ դատավորները կախված են նախորդ իշխանություններից, Ալումյանը նշեց. «Նախ ոչ բոլոր դատավորներն են ենթարկվողի կարգավիճակում: Կան դատավորներ, որ պատրաստ են անգամ ամենավատ հյետապնդումների ենթարկվել, բայց իրենց մասնագիտական պարտականություններին հակասող բան չանել: Ցավոք, դրանք քիչ են: Իսկ այն դատավորները, որոնք ճկուն ողնաշար ունեն եւ պատրաստ են հարմարվել պատվերներին, նրանք ոչ թե կախման մեջ են այն իշխանություններից, որոնք իրենց ժամանակին նշանակել են, այլ այն իշխանություններից, որոնք տվյալ պահին իշխանություն ունեն եւ կարող են փորփրել այդ դատավորի անցյալը եւ մի քրեական գործ նախաձեռնել նրա նկատմամբ»:

Ալումյանի ներկայացմամբ, հարմարվող, պատվեր կատարող դատավորները եւ կոռումպացված դատավորները նույնն են. «Պատվեր կատարող դատավորն ակնկալում է որոշակի արտոնություններ իշխանությունից եւ մտածում է, որ կարող է իրեն շատ բաներ թույլ տալ եւ իշխանություններն էլ աչք կփակեն դրանց վրա»:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Բաքվում մտադիր են «հավերժացնել» Հայոց ցեղասպանության գաղափարախոսներից մեկի եղբոր հիշատակը
Բաքվում մտադիր են հավերժացնել...
Ալեն Սիմոնյանը եւ ՔՊ-ական պատգամավորները հարգանքի տուրք են մատուցել մարտի 1-ի զոհերի հիշատակին
Գրիգոր Լուսավորչի փողոցին հարակից այգում գտնվող «Ազդեցություն եւ հակազդեցություն» հուշարձանին...
Ապագայում, մարտի 1-ը դառնալու ա Հայաստանի սուվերենության փրկության օր. Տիգրան Քոչարյան
Այդ ժամանակ ՀՀ իշխանության մեջ գտնվող մի քանի մարդկանց...
Մարտի 1-ի դեպքերով Ռոբերտ Քոչարյանի, Յուրի Խաչատուրովի և մյուսների գործով Վճռաբեկ դատարանը դիմել է ՍԴ
Քոչարյանն ու նրա ենթակաները արդարացվեցին 2021թ․ ապրիլին, երբ ՍԴ-ն...
Ավինյանը ավագանու ՔՊ և «Հանրապետություն» խմբակցությունների  հետ հարգանքի տուրք է մատուցել մարտի 1-ի զոհերի հիշատակին
Գրիգոր Լուսավորիչ փողոցին հարակից այգում գտնվող «Ազդեցություն և հակազդեցություն» հուշարձանին...
Քաղպաշտպանության համակարգի զարգացումը և կարողությունների հզորացումը ՆԳՆ գերակա ուղղություններից է. Վահե Ղազարյան
Ամեն տարի մարտի 1-ին աշխարհը համախմբվում է՝ նշելու Քաղաքացիական…
Ամենաշատ