Մենք ցանկանում ենք համապատասխան PR արշավ անցկացնել եւ հրավիրել, ասենք, «Airbus» ընկերության«Science» բաժնին Հայաստան: Մարտի 25-ին խորհրդարանի Տնտեսական հարցերի մշտական հանձնաժողովում, «Տեղեկատվական տեխնոլոգիաների ոլորտի պետական աջակցության մասին» օրենքում փոփոխություններ եւ լրացումներ մտցնելու մասին օրինագծերի փաթեթի, ինչպես նաեւ Հարկային օրենսգրքում փոփոխություններ մտցնելու մասին քննարկման ժամանակ այս մասին ասաց Հայաստանի տրանսպորտի, կապի եւ տեղեկատվական տեխնոլոգիաների փոխնախարար Գեղամ Վարդանյանը։
Նրա խոսքով, եթե հաջողվի Հայաստան ներգրավել նման խոշոր ընկերությունների, ապա նրանք կկարողանան կիսվել անհավանական գիտատեխնիկական գիտելիքներով:
«Բացի այդ մարդիկ, որոնք ի սկզբանե աշխատելու են այդ ընկերություններում, հետագայում կկարողանան հեռանալ այդտեղից եւ իրենց սեփական սթարթափերը բացել՝ հենվելով եւ օգտվելով այն փորձից, որը նրանք ստացել են նման խոշոր ընեկրություններում աշխատելու ընթացքում», - ասաց փոխնախարարը: